logo

Damasning texnik tasnifi


Damas
 – 0.8 litr hajmidagi, 38 ot kuchi quvvatidagi motori bo‘lgan besh eshikli tijorat maqsadidagi avtomobil. Uning zamirida doimo amaliyotga moslik va funksional uyg‘unlik bo‘lib, konstruksiyasi har qanday yo‘l sharoitida uzoq yillar davomida buzilishsiz ishlashini kafolatlaydi. Avtomobil ikkita modifikatsiya shaklida chiqariladi: yo‘lovchilar uchun, unda o‘rindiqlar uch qator qilib joylashtirilgan (2+3+2), va ikki o‘rindiqli yuk tashuvchi, furgon kuzovi bilan, yuk ko‘tarish qobiliyati 560 kg gacha. Yuritgichi orqa g‘ildiraklarga ulangan. Maksimal tezligi 100 km/soat. Belgilangan yonilg‘i sarflanishi 90 km/soat tezlikda 7,8 l/100km ga teng. Avtomobil tijorat yoki oilaviy ehtiyojlar uchun mo‘ljallangan. Shaharning tiqilinch sharoitida va zich transport oqimida, tez-tez to‘xtab, yuk tushirish va yuk ortish bilan yurish uchun bundan ham qulayroq bo‘lgan yuk tashuvchi avtomobilni topish qiyin.

Batafsil ma`lumot

 

tepaga