Avtomobil sanoatida mahalliy korxonalarning salmog‘i va tarmoqlararo kooperatsiya yildan-yilga oshib bormoqda.
Navoiy viloyatida joylashgan korxonalar faoliyati bilan yaqindan tanishish maqsadida ‘‘O‘zavtosanoat’’ AJ Boshqaruvi raisi Ulug‘bek Rozukulov boshchiligidagi delegatsiya “Akfa Extrusions” MChJ (BENKAM), ‘‘Gidro-stanko-servis’’ MChJ,“NAVPROMLITMASH” MChJ korxonalariga tashrif buyurdi.
Uchrashuv davomida delegatsiya a'zolari korxonalarda ishlab chiqarish jarayoni, investitsion salohiyati va tayyor mahsulotlar sifati bilan yaqindan tanishdilar.
Shuningdek, o‘zaro hamkorlikni yo‘lga qo‘ygan holda avtomobilsozlik sohasini rivojlantirishga qaratilgan kooperatsion aloqalarni kengaytirish, mahalliylashtirish darajasini oshirish bo‘yicha loyihalarini yo‘lga qo‘yish, raqobatbardosh mahsulotlar ishlab chiqarish bo‘yicha istiqbolli rejalar muhokama qilindi. Jumladan, avtomobil sanoati tarmoq korxonalari uchun 30 dan ortiq import butlovchi qismlar va xomashyolarni o‘zlashtirish bo‘yicha hamkorlik qilishga kelishib olindi.
Shu bilan birga, Navoiy viloyatidagi tarmoq korxonalari - ‘‘O'ZERAEALTERNATOR" MChJ va ‘‘UZMINDA’’ MChJdagi mavjud muammoli masalalari o‘rganilib, ularga ijobiy yechim topish bo‘yicha tegishli topshiriqlar berildi.
.jpg)
- 19/11/2024
- Bo'lim: Yangiliklar