“O‘zavtosanoat” AJ tarkibida tashkil etilgan “Autosanoat agro lizing” LK MChJ joriy yilning yanvar' oyidan o‘z faoliyatini boshladi.
Bugunga qadar Jamiyatga jami 701ta texnika va agregatlar uchun buyurtmanomalar kelib tushgan bo‘lsa, shulardan 377 tasiga lizing shartnomalari imzolangan.
Mamlakatimizning deyarli barcha hududlariga umumiy qiymati 20 mlrd. so‘mlik qariyb 100 dona zamonaviy qishloq xo‘jaligi texnika va agregatlari imtiyozli shartlarda lizing asosida yetkazib berildi.
35 dona uch g‘ildirakli, haydov va bog‘dorchilik traktorlari, 33 dona pnevmatik seyalkalar, 11 dona kul'tivatorlar, 10 dona tirkamalar va shu kabi texnika va agregatlar shular jumlasidandir.
O‘zbekiston Respublikasi Prezidentining 2021 yil 11 noyabrdagi 7-sonli qarori talablari asosida, lizingga berilgan texnika va agregatlar uchun davlat tomonidan subsidiya ajratish maqsadida Jamiyat tomonidan barcha zaruriy ariza va hujjatlar tayyorlandi, hamda Moliya vazirligi huzuridagi “Qishloq xo‘jaligini davlat tomonidan qo‘llab-quvvatlash jamg‘armasi”ga topshirildi.
Yurtimizda faoliyat olib borayotgan qator paxta va g‘alla klasterlari bilan hamkorlik aloqalari yo‘lga qo‘yildi.
Bular, Surxondaryo viloyati, Bandixon tumanidagi “Bandixon agro klaster”, Qashqadaryo viloyati, Qarshi shahridagi “Cluster Khilal”, Toshkent viloyati, Chinoz tumanidagi “Chinoz oltin don agro klaster”.
Qolaversa, Jamiyat bilan hamkorlik qilayotgan ishlab chiqaruvchi va yetkazib beruvchilar ham safi kengayib bormoqda.
Bular quyidagilar:
“Toshkent Qishloq xo‘jaligi texnikasi zavodi” AJ, “Chirchiq qishloq xo‘jaligi texnikasi zavodi” AJ, “Agregat zavodi” AJ, “Texnolog zavodi” AJ, “O‘zKlaasAgro” QK MChJ, “Lemken Chirchiq” QK MChJ, “Toshkent agro traktor” MChJ
Yuqorida amalga oshirilayotgan ishlarning barchasi mamlakatimiz qishloq xo‘jaligini zamonaviy texnikalar bilan imtiyozli shartlarda ta'minlash hamda Mamlakatimiz prezidenti tomonidan chiqarilgan tegishli qarorga asosan subsidiyalar ajratilishini amaliyotga tatbiq etish demakdir.
"Autosanoat agro lizing"
matbuot xizmati
71 207 10 75
- 24/06/2022
- Bo'lim: Yangiliklar