“O‘zavtosanoat” AJ tashabbusi bilan, “UzAuto Motors” AJ hamda Yo‘l harakati xavfsizligi xizmati hamkorligida, o‘quvchilarning xavfsizligini ta’minlash maqsadida yurtimizdagi bir qator maktablar atrofida zamonaviy xavfsizlik infratuzilmasi joriy etilmoqda
“O‘zavtosanoat” AJ tashabbusi bilan, “UzAuto Motor...
“O‘zavtosanoat” AJ tashabbusi bilan “UzAuto Motors” AJ va Yo‘l harakati xavfsizligi xizmati hamkorligida maktab o‘quvchilarining xavfsizligini ta’minlash maqsadida mamlakatimizdagi bir qator maktablar atrofida zamonaviy xavfsizlik infratuzilmasi joriy etilmoqda.
Dastlabki ishlar Toshkent shahrining Yakkasaroy tumanidagi 48-maktab atrofida amalga oshirilib, bu yerda qavariq piyodalar o‘tish yo‘laklari, xavfsiz yo‘laklar, temir panjaralar va yangilangan yo‘l belgilaridan iborat tizim barpo etildi.
Bugungi kunda loyiha doirasidagi asosiy e’tibor Andijon viloyatiga, xususan Asaka shahriga qaratilgan bo‘lib, bu yerda 10 dan ortiq maktabda ishlar boshlangan va ularning 4 tasida xavfsizlik infratuzilmasi to‘liq yakunlangan.
Ushbu tashabbus nafaqat bolalar xavfsizligini ta’minlash, balki yo‘l harakati madaniyatini yosh avlod ongida shakllantirishga ham xizmat qiladi.
