“Oʻzavtosanoat” aksiyadorlik jamiyatida halollik, toʻgʻrilik, ochiqlik va korrupsiyaga mutlaq murosasizlik tamoyillarini taʼminlash maqsadida komplayens hamda korrupsiyaga qarshi boshqaruv tizimlarini joriy etish va rivojlantirish boʻyicha tizimli ishlar amalga oshirilmoqda.
Jumladan, jamiyatda xalqaro talablarga muvofiq ichki siyosat va tartib-taomillar shakllantirildi. Shuningdek, xavf-xatarlarni baholash va nazorat qilish mexanizmlari yoʻlga qoʻyildi, xodimlar uchun muntazam oʻquv-targʻibot ishlari tashkil etildi hamda komplayens madaniyatini mustahkamlashga qaratilgan ichki kommunikatsiyalar kuchaytirildi.
Amalga oshirilgan ushbu kompleks choralar oʻz samarasini berib, ISO 37301 — “Komplayens boshqaruvi tizimi” hamda ISO 37001 — “Korrupsiyaga qarshi boshqaruv tizimi” xalqaro standartlari boʻyicha sertifikatlar qoʻlga kiritildi. Ushbu natija “Oʻzavtosanoat” AJda xalqaro talablarga javob beradigan shaffof, samarali va ishonchli boshqaruv tizimi shakllanganining amaliy eʼtirofi hisoblanadi.
Mazkur sertifikatlar biz uchun yakuniy maqsad emas, balki yanada yuqori standartlar asosida izchil rivojlanishga undaydigan yangi bosqichdir. Kelgusida ham jamiyat oʻz faoliyatini korrupsiyaga mutlaq murosasizlik, halollik, toʻgʻrilik va adolat tamoyillari asosida qatʼiy davom ettiradi.
- 05/01/2026
- Bo'lim: Yangiliklar