2023 yil 19 may kuni O'zbekiston Respublikasi Prezidenti Shavkat Mirziyoyev Xitoy Xalq Respublikasiga davlat tashrifi doirasida "BYD Uzbekistan Factory"muqobil va qayta tiklanadigan energiya manbalari asosida avtomobillar ishlab chiqarish zavodi qurilishiga start berdi.
"BYD Uzbekistan Factory" – xitoylik elektromobillar bo'yicha jahon yetakchisining Xitoy tashqarisidagi birinchi qo'shma korxonasi bo'lib, ushbu hodisa o'zbek avtomobilsozligining ishlab chiqarish yutuqlari va O'zbekistonning iqtisodiy jozibadorligi tufayli amalga oshirildi.
UzAuto-ni hamkor sifatida ko'rib chiqish imkoniyati bo'yicha gigant avtomobil ishlab chiqaruvchisi bilan 2022-yil fevral oyida kelishuvga erishilgan edi.
"BYD Uzbekistan Factory" qo'shma zavodi negizida BYD avtomobillari ishlab chiqarilishi joriy yilning kuziga rejalashtirilgan.
Ishlab chiqarish maydoni 10,6 gektar bo'lgan "BYD Uzbekistan Factory" zavodi Jizzax viloyatidagi "Jizzax Auto" zavodi negizida tashkil etilib, xalqaro sifat va xavfsizlik standartlariga muvofiq faoliyat ko'rsatib, NEV avtomobillarini ishlab chiqarish bo'yicha ilg'or texnologiyalarni joriy etish imkonini beradi.
Bugungi kunda qo'shma korxonaning ishlab chiqarish binosi loyihani amalga oshirishni boshlashga to'liq tayyor.
Hamkor "BYD Auto" kompaniyasi bilan birgalikda zavodning asosiy ishlab chiqarish liniyalarining joylashuvi va texnologik hujjatlari, shuningdek, ommaviy ishlab chiqarishni boshlash bo'yicha batafsil reja ishlab chiqilgan.
Jizzakh Auto" zavodi negizida "BYD Uzbekistan Factory" ishlab chiqarish quvvatlari BYD "Chazor" va "Song Plus" modellarining birinchi bosqichda yillik 50 mingdan ortiq NEV avtomobillarini ishlab chiqarish, shuningdek, to'liq sikl bo'yicha avtomobillar ishlab chiqarish bazasini yaratish uchun jihozlanadi (CKD: shtamplash, payvandlash, bo'yash, yig'ish). Bu, o'z navbatida, korxonada 2 mingdan ortiq yangi ish o'rinlarini yaratadi.
Jizzax viloyatidagi "Jizzax Auto" zavodi negizida tashkil etilgan yangi ishlab chiqarish korxonasi "BYD Auto", UzAuto va O'zbekiston hukumati o'rtasida ilg'or texnologiyalarni muvaffaqiyatli joriy etish, ish o'rinlari yaratish va yuqori malakali kadrlar tayyorlash bo'yicha uzoq va puxta muzokaralar natijasidir.
O'zbekiston Markaziy Osiyoning asosiy avtomobilsozlik markazi sifatida zamonaviy tendensiyalarga muvofiq sanoat salohiyatini rivojlantirishning yangi bosqichi arafasida turibdi. O'zbekistonda BYD avtomobillarini ishlab chiqarishni tashkil etish mamlakatga elektromobil sanoati sohasidagi ilg'or texnologiyalardan foydalanish va uglerod chiqindilari kam bo'lgan innovatsion avtomobillar ishlab chiqarishni o'zlashtirish imkonini beradi. Bu, shuningdek, toza transportning rivojlanishiga va atmosferaga zararli chiqindilarni kamaytirishga ijobiy ta'sir ko'rsatadi. Ushbu muhim voqea iqtisodiyotni rivojlantirish, ekologik barqarorlik va texnologik taraqqiyotni o'z ichiga olgan holda, mamlakat uchun uzoq muddatli ijobiy oqibatlarga olib keladi.
BYD Auto Industry Co., Ltd. ("Build Your Dreams") – BYD Co Ltd xalqaro kompaniyasining sho'ba korxonasi bo'lib, u yangi energiya manba'larida harakatlanuvchi vositalarni (NEV) ishlab chiqarishga ihtisoslashgan bo'lib, 30 dan ortiq avtomobil va butlovchi qismlar ishlab chiqarish zavodlariga ega, R&D markazlari va dunyodagi NEVlar savdosi bo'yicha 1-o'rinni egallaydi.
- 20/05/2023
- Bo'lim: Yangiliklar