UzAuto Rossiya Federatsiyasining Yekaterinburg shahrida bo’lib o’tayotgan “Innoprom-2022” xalqaro ko’rgazmasida ishtirok etdi. Unda O’zbekiston avtomobilsozlik sanoatining tarkibiy korxonalarining mahsulotlari namoyish etildi.
Bu yilgi yo’nalishning asosiy mavzusi – “Sanoatda o'tish davri: tahlillardan yangi imkoniyatlar sari”dir. “Made in Uzbekistan” stendida namoyish etilgan ekspozitsiyalar ko’rgazmaga tashrif buyuruvchilarda alohida qiziqish uyg’otdi. Ko’rgazmada turli mamlakatlarda faol eksportni amalga oshirayotgan mamlakatimizning yetakchi ishlab chiqaruvchilarining mahsulotlari namoyish etildi. UzAuto avtomobilsozlik sanoati uchun o’z mahsulotlari– dvigatellar, uzatmalar qutisi, faralar, orqa chiroqlar, elektr simlari va boshqa bir qator komponentlarining namunalarini taqdim etdi.
Shuningdek, Rossiya hukumati rahbari Mixail Mishustin UzAuto kompaniyasi mahsulotlari bilan tanishdi. Mishustinda faralar va chiroqlarni ishlab chiqarish sohasidagi ishlanmalar alohida qiziqish uyg’otdi, xususan, unga “AvtoVAZ” AJ hamda Peugeot Partner avtomobillariga faralarni yetkazib beruvchi Namanganda avtomobil faralarini ishlab chiqaruvchi “UzChasys” kompaniyasining mahsulotlari namoyish etildi.
Bundan tashqari, ko'rgazma doirasida UzAuto vakillari Rossiyaning amaldagi va potentsial hamkorlari bilan bir qator samarali muzokaralarni o'tkazishdi.
- 16/07/2022
- Bo'lim: Yangiliklar