Bugun O’zbekiston va Qozogʻiston ishbilarmon doiralari o’rtasidagi biznes-forum davomida Investitsiyalar va tashqi savdo vaziri Jamshid Xoʻjayev va Qozogʻiston Respublikasi Bosh vaziri oʻrinbosari Serik Jumangarin, UzAuto Motors, Qozogʻiston Taraqqiyot banki va Allur kompaniyasi (Qozogʻiston) qoʻshma loyihalarni amalga oshirish bo’yicha 570 million dollarlik qator shartnomalar imzolandi.
“UzAuto Motors” AJ va Qozog‘iston Taraqqiyot banki Qozog‘istonda “Allur” avtomobil zavodi quvvatlarida kichik hajmdagi yig`ish usuli bo`yicha yiliga 30 000 dona “Chevrolet Onix” avtomobillarini ishlab chiqarish loyihasini moliyalashtirish bo‘yicha kelishuvga erishishdi. Loyihani amalga oshirish uchun taxminan 50 million dollarga yaqin investitsiyalar jalb qilinadi, bu esa UzAuto’ga Qozog‘istonda o‘z mavqeini mustahkamlash va boshqa potensial eksport bozorlarini o’zlashtirishga imkon beradi.
UzAuto Motors va Allur o‘rtasidagi Qozog‘istonga Allur zavodiga 500 million dollarlik avtomobil komplektlari va butlovchi qismlari eksporti hajmini oshirish bo‘yicha imzolangan kelishuv ham O‘zbekiston eksport potensialini kengaytirishga xizmat qiladi.
UzAuto Motors, Qozog‘istondagi loyihalardan tashqari, qozog‘istonlik hamkorlari bilan O‘zbekistonda zamonaviy, innovatsion ehtiyot qismlar tarqatish markazini joriy etish bo‘yicha hamkorlik qilish bo‘yicha kelishuvga erishdi. Ushbu kelishuv natijasi Oʻzbekistonga 20 million dollar miqdorida investitsiyalarni jalb qilish, shuningdek, logistika zanjirlari va yetkazib berish yoʻnalishlarini optimallashtirish hamda yuklarni tashish xarajatlarini kamaytirish boʻladi.
Hamkorlikni istiqbolli rivojlantirish rejasida tomonlar bozorlarning ehtiyojlari va iste'molchilar talabidan kelib chiqqan holda avtomobillar qatorini yangilash va kengaytirish imkoniyati to'g'risida kelishib olishdi. Avtomobilsozlik sohasidagi o‘zaro manfaatli hamkorlik ikki davlatning iqtisodiy taraqqiyotiga yangi turtki beradi, mintaqaviy hamkorlikni kengaytiradi, bu orqali eksport bozorlarini yanada rivojlantirish uchun mustahkam poydevor yaratadi.