23- oktabr kuni start olgan “Automechanika Tashkent”da “O‘zavtosanoat” AJ tomonidan milliy avtomobilsozlik sanoati yutuqlari namoyish etilmoqda!

“O‘zavtosanoat” stendida “UzAuto Motors Powertrain” AJ, “Avtooyna” MChJ, “Autofortis” MChJ, “Auto Rubber” MChJ, “Avtokomponent” MChJ, “Avtooyna” MChJ, “Uz chasys” MChJ QK hamda “Avto Climat Control” MChJ kabi 20 dan ziyod mahalliy ishlab chiqaruvchi kompaniyalarning  50 turdagi mahsulotlarini ko‘rishingiz mumkin!

Shuningdek, “Automechanika Tashkent” doirasida o‘tkazilayotgan Komtrans Tashkent korgazmasida SamAuto korxonasi tomonidan LE70 Gazli avtobusining prototipi hamda yangilangan SAZ HC45 avtobusi taqdim etilmoqda.

Tashkent International Auto Show ko‘rgazmasidan so‘nggi vaqtda haydovchilar va avto ixlosmandlar qiziqishiga sabab bo‘layotgan metan gaz balloni o‘rnatilgan va  unda 75 ming km masofani bosib o‘tgan Chevrolet Tracker va Onix modellari o‘rin olgan. Qolaversa, Cobalt Midnigt avtomobilini ham “UzAuto Motors” povilyonida birinchilardan bo'lib ko'rish imkoniyati mavjud.

“O‘zavtosanoat” faoliyatiga doir eng so‘nggi yangiliklarni “Automechanika Tashkent” ko‘rgazmasida kuzating! 

Yirik tadbir 25-oktyabrga qadar davom etadi.

• event 23/10/2024
• local_offer Категория: Новости