AgroTech Klaster kompaniyasi Dong Feng bilan hamkorlikda ishlab chiqarilgan TAT DF903H traktorining dala sinovlarini o'tkazdi

Toshkent viloyatining Yuqori Chirchiq tumanida joylashgan Аlisher Kasimov f/x hududida “АgroTech Klaster” xamda “Dong Feng” kompaniyasi mutaxassislari bilan xamkorlikda ishlab chiqilgan 3 gʼildirakli 90 ot kuchiga ega TAT DF903H paxtachilik traktori dala sinovidan oʼtkazilgan edi. Uning texnologik talablarga javob berishi, samaradorligi, umuman toʼliq imkoniyatlarini oʼrganish maqsadida traktorga chizel kultivatori agregatlanib, 10 ga yer maydoniga toʼliq ishlov berildi.

TAT DF903H yuqori klirensli traktori yer maydonlariga sifatli ishlov berishi, yoqilgʼi sarfi kamligi, ish unumdorligining yuqoriligi jihatidan sinov jarayonida ishtirok etgan qishloq xoʼjaligi sohasi vakillari hamda mutaxassislar eʼtirofiga sazovor boʼldi. Bundan tashqari, TАT DF903H traktoriga tishli tirkama agregati agregatlanib, chizellangan 10 ga yer maydoni toʼliq boronalandi. Dala sinovidan muvaffaqiyatli oʼtgan mazkur traktor zamonaviyligi, qulayligi bilan agrotexnik tadbirlarda fermer xoʼjaliklari uchun uzoq yillar xizmat qilishi fermer va klaster vakillari tomonidan ijobiy baholandi.

 “Bugungi dala sinovlari davomida shunga amin boʼldikki, aynan paxatachilikni deyarli barcha agrotexnik tadbirlarida TАT DF903H traktorini samarali va kam chiqim holda ishlatish mumkin. U zamonaviy traktor boʼlgani bois, ish jarayonida yuqori tezlikka ega, foydalanishga qulay va yoqimli kabina, ichki harorat, sinxronizatorlik uzatmalar qutisi bilan jihozlangini analoglardan ajralib turadi. Bunday yuqori texnik imkoniyatlarga ega traktorlar albatta, har bir fermer xoʼjaliklari parkidan oʼrin oladi”, - dedi mijozlardan biri.

• event 03/06/2023
• local_offer Bo'lim: Yangiliklar