Shu kunlarda ijtimoiy tarmoqlarda mijozlarning avtomobildagi nosozliklar borasidagi murojaatlari ko’p uchramoqda. Nima sababdan bunday holatlar yuzaga kelanganligi hamda uni bartaraf etish yuzasidan o’z vaqtida choralar ko’rish shart.
Buning uchun aynan sotuv oldi ko’rigi jarayoni tashkillashtirilgan. Undan oqilona foydalanishingiz mumkin. Ushbu ma’lumot siz uchun foydali manba xizmat qiladi.
Avtosalondan avtomobilingizni olib ketishingizdan oldin dilerlik markazi xodimlari uning servis kitobchasini taqdim etishlari va sotuv oldi ko‘rigini o‘tkazib berishlari shart. Siz mijoz sifatida dilerlik markazi xodimlaridan sotuv oldi ko‘rigini o‘tkazib berishlarini talab qilishga haqlisiz.
Diqqat qiling, odatda e’tibordan chetda qoladigan avtomobilning servis kitobchasi Sizga nima uchun beriladi? Dilerlik markazi xodimi servis kitobchasining 6-betida keltirilgan punktlar bo‘yicha avtomobilingizni navbatma-navbat sizning ishtirokingizda ko‘rikdan o‘tkazadi. Agar sotuv oldi ko‘rigida avtomobildan qoniqmasangiz, yoki bo’lmasa qandaydir nosozlik yuzaga kelganligini aniqlansa, diler avtomobilni almashtirib berishga yoki nosozlikni bartaraf etishga haqlidir.
Agar sotuv oldi ko’rigi jarayonida avtomobil sizni to’liq qoniqtirsa, hujjatlarni rasmiylashtirish jarayoniga o‘tiladi. Avtomobilning dvigatel, shassi va kuzovidagi seriya raqamlarini hujjatdagilari bilan mos kelishi tekshiriladi. Avtomobilni qabul qilish va aktga imzo qo‘yishdan oldin, har bir so‘zni diqqat bilan o‘qish, yozilganlarning barchasi bilan tanishib chiqrib ishonch hosil qilgandan so‘nggina uni imzolash mumkin.
