O‘zbekistonlik gimnastikachilar Toshkentda o‘tkazilgan jahon kubogida umumjamoa hisobida birinchi bo‘lishdi

O‘zbekiston terma jamoasi ilk bor 15 mamlakatdan ishtirok etgan sportchilar orasidan 4 ta oltin, 2 ta kumush va 1 ta bronza medali bilan chempionatda Lider bo’ldi. “UzAuto” jamoasi sportchilarni mazkur musobaqada erishgan yuqori natijalari bilan tabriklaydi hamda jahon shohsupasida O‘zbekiston bayrog‘ini ko’rish imkonini yaratganligi uchun minnatdorchilik bildiradi. 

Gimnastikachi Tahmina Ikromova Kubokda 3 ta oltin va 1 ta bronza medalini qo‘lga kiritib O‘zbekiston vakillari orasida eng yaxshisi bo’ldi. Yana O‘zbekiston terma jamoasi guruh mashqlarida 1 ta oltin va 2 ta kumush medalni olib keldi.

UzAuto O'zbekiston terma jamoasini o'tgan musobaqalarda erishgan mutloq g'alabasi bilan tabriklaydi! Sportchilarimizga kelgusi musobaqalarda ham yorqin g’alabalar yor bo’lishini tilab qolamiz!

Eslatib o’tamiz, “O‘zavtosanoat” ko‘p yillardan buyon milliy gimnastikaga katta yordam ko‘rsatib kelmoqda, joriy yilning fevralida “O‘zavtosanoat” AJ boshqaruv raisi Shavkat Umurzoqov O‘zbekiston gimnastika federatsiyasi prezidenti etib saylangandi. Kompaniya rahbariyati bundan keyin ham ushbu xayrli an’anani davom ettirish va sportchilarning yuksak natijalarga erishishi uchun barcha shart-sharoitlarni yaratishni maqsad qilmoqda.

TOSHKENTDA O‘TKAZILGAN BADIIY GIMNASTIKA BO‘YICHA JAHON KUBOGI YAKUNLARI:

 Oltin medal bilan:

Taxmina Ikromova – ko’pkurash

Taxmina Ikromova – halqa mashqi

Taxmina Ikromova – bulava bilan mashqlar

O'zbekiston terma jamoasi guruh mashqlarida - uchta tasma va ikkita koptok bilan mashqlarda

Kumush medal bilan:

O’zbekiston terma jamoasi guruh mashqlarida – ko’pkurash

O’zbekiston terma jamoasi guruh mashqlarida – halqa mashqlarida

Bronza medal bilan:

Taxmina Ikromova – tasmadagi mashqlar

• event 24/06/2022
• local_offer Bo'lim: Yangiliklar