“O‘zavtosanoat” AK va “ Avtooyna” MCHJ vakillari...
2016 yilning birinchi choragida “O‘zavtosanoat” AK va “ Avtooyna” MCHJ vakillari Rossiya Federatsiyasining Moskva, Sankt-Peterburg va yana bir qancha shaharlarida bo‘lib, avtomobillar uchun butlovchi qismlar ishlab chiqaruvchi, ehtiyot qismlarni import qiluvchi korxonalar faoliyati bilan tanishishdi va rossiyalik hamkasblari bilan uchrashuvlar o‘tkazishdi. Jumladan yurtdoshlarimiz Sankt-Peterburgdagi avtomobilsozlik korxonalariga tashrifi mobaynida «Nissan Manufakturing Rus» MCHJ, «Gestamp Severstal Vsevolozhsk» va «Volkswagen Group Rus» kompaniyalarining ishlab chiqarish korxonalarida ham bo‘lishdi. Rossiya Federatsiyasining Avtomobillar uchun butlovchi qismlarni ishlab chiqarish milliy uyushmasi tomonidan tashkil etilgan tadbirlar har ikki davlat avtomobilsozlari uchun o‘zaro tajriba almashish va hamkorlik aloqalarini o‘rnatish borasida foydali bo‘ldi.
