"O'zavtosanoat" Badiiy gimnastika bo'yicha "Yoshlar va kattalar o'rtasida bo'lib o'tgan Osiyo chempionati 2023"ning asosiy favoritlarini g'alaba bilan tabriklaydi!

Bugun Toshkent xalqaro aeroportida joriy yilning 27 may – 4 iyun kunlari Filippin davlatining Manila shahrida badiiy gimnastika boʼyicha yoshlar va kattalar oʼrtasida bo'lib o'tgan Osiyo chempionatida ishtirok etgan milliy terma jamoamiz a'zolari tantanali kutib olindi.

Bizning sportchilarimiz ushbu chempionatda raqiblari ustidan g'alaba qozonib, jami 18ta medal jumladan, 10ta oltin, 7ta kumush va 1ta bronza medalini qo'lga kiritishdi. Respublika terma jamoasi a'zosi Taxmina Ikromova 5ta yo'nalish bo'yicha yuqori natija ko'rsatib, shohsupaga ko'tarilgan sportchilar orasida eng ko'p medal sovrindoriga aylandi.

Bu kabi chiqishlar sportchilar uchun katta ahamiyatga yega, chunki ular joriy yilning 23-27 avgust kunlari Ispaniyaning Valensiya shahrida boʼlib oʼtadigan sayyoramizning litsenziyalangan eng yirik chempionatiga yoʼllanmani qoʼlga kiritish imkonini beradi.

"O'zavtosanoat" AJ O'zbekiston terma jamoasini o'tgan musobaqalarda erishgan mutloq g'alabasi bilan tabriklaydi! Sportchilarimizga kelgusi musobaqalarda ham yorqin g’alabalar yor bo’lishini tilab qolamiz!

Eslatib o’tamiz, “O‘zavtosanoat” AJ ko‘p yillardan buyon milliy gimnastikaga katta yordam ko‘rsatib kelmoqd. Kompaniya rahbariyati bundan keyin ham ushbu hayrli an’anani davom ettirish va sportchilarning yuksak natijalarga erishishi uchun barcha shart-sharoitlarni yaratishni maqsad qilgan. 

• event 05/06/2023
• local_offer Bo'lim: Yangiliklar