«GM Uzbekistan» AJ avvaldan tasdiqlangan rejaga ko‘ra, «Ravon» brendi ostida yetkazib berilayotgan rusumlar qatorini kengaytirishda davom etmoqda. Asaka avtomobil zavodida MDH davlatlariga eksport qilish uchun mo‘ljallangan «Ravon R4» avtomobillarini seriyali ishlab chiqarish boshlandi. «Ravon R4» avtomobillarining dastlabki qismi Rossiya Federatsiyasiga jo‘natildi. Korxona yaqin kunlarda «Ravon R4» avtomobillarini MDHning boshqa davlatlariga ham yetkazib berishni rejalashtirgan.
