Volkswagen konserni O’zbekistondagi faoliyatini kengaytirmoqda

Tashrif doirasida O‘zbekistonda Volkswagen va Skoda avtomobillarini ishlab chiqarish bo‘yicha hamkorlikni yanada kengaytirish masalalari muhokama qilindi. Loyiha “Jizzax avtomobil zavodi” bazasida mahsulot turlarini kengaytirish orqali  amalga oshiriladi. 

Surat O‘zbekiston Respublikasi Energetika vazirligi Matbuot xizmati tomonidan olingan

Muzokaralar davomida janob Shtefan Mecha Volkswagen avtomobil konserni va Germaniya hukumati O'zbekiston bilan qo'shma loyihalardan nihoyatda manfaatdor ekanligini ta’kidladi. Bu nafaqat avtomobilsozlik sanoatiga, balki O’zbekistonga texnologiyalarni rivojlantirish, kadrlar tayyorlash, dual ta’lim va soha uchun muhim boshqa yo‘nalishlar bo‘yicha loyihalarni amalga oshirishga ham taalluqlidir.

Eslatib oʻtamiz, 2020-yilda “Oʻzavtosanoat” AJ va “Volkswagen Group Rus” konserni oʻrtasida “Jizzax avtomobil zavodi” MChJda Volkswagen va Škoda avtomobillarini ishlab chiqarishni tashkil etish boʻyicha hamkorlik toʻgʻrisida Bitim imzolangan edi. Ayni paytda O‘zbekistonda Volkswagen Caddy va Škoda Kodiaq avtomobillari namoyish etilmoqda.

• event 24/06/2022
• local_offer Bo'lim: Yangiliklar