Xalqaro muzeylar kuni dunyoning 143 mamlakatidagi o‘ng minglab muzeylarda nishonlanadigan an'anaviy bayramdir. Bu yil ushbu bayram yurtimizda ochilganiga hali ko‘p bo‘lmagan Toshkent politexnika muzeyida ham keng nishonlandi. Muzey xodimlari ushbu sana munosabati bilan tashrif buyuruvchilarga noodatiy tuhfalar hozirlagan bo‘lib, ular tadbir ishtirokchilarini befarq qoldirmadi.
Shuni alohida ta'kidlash kerakki, muzeyning ikkinchi qavatidagi “Interfaol amaliyot” bo‘limi asosan fizika qonuniyatlarini o‘zida aks ettirgan eksponatlardan iborat bo‘lsa-da aynan 18 may kuni ushbu bo‘lim kimyo fanining turli ajoyibotlariga bag‘ishlandi. Tadbirga tashrif buyurganlar kimyoviy moddalar va ularning bir biri bilan reaksiyaga kirishuvi asosida ro‘y beradigan o‘zgarishlar haqida batafsil ma'lumotga ega bo‘lishdi.
