2021 yilning 11 noyabrida O‘zbekiston Respublikasi Prezidentining “Chirchiq shahrida qishloq xo‘jaligi mashinasozlik klasterini tashkil qilish chora-tadbirlari to‘g‘risida”gi 7-sonli qarori qabul qilindi.
Qaror bilan qishloq xo‘jaligi mashinasozligini yanada yangi bosqichga ko‘tarish, sohani tubdan modernizasiya qilish, texnika haridida imtiyozlar joriy etish, yangi mexanizmlar joriy etish bo‘yicha vazifalar belgilandi.
Mazkur qarorda bir qancha vazirlik va idoralar qatori, “O‘zavtosanoat” aksiyadorlik jamiyatiga ham aniq topshiriqlar berildi.
7-son qarorda belgilangan vazifalar ijrosini zudlik bilan bajarish, mamlakatimiz qishloq xo‘jaligini zamonaviy, shu bilan birga hamyonbop texnikalar bilan ta'minlash, qulay lizing shartlarida yetkazib berish kabi bir necha masalalar yechimi yuzasidan “O‘zavtosanoat” aksiyadorlik jamiyati rahbari tashabbusi bilan “Avtosanoat agro lizing” lizing tashkiloti 15 noyabr' 2021 yilda tashkil etildi va davlat ro‘yxatidan o‘tkazildi.
1 yanvar' 2022 yildan o‘z faoliyatini boshlagan “Avtosanoat agro lizing” faoliyatining asosiy yo‘nalishi mamlakatimiz qishloq xo‘jaligi texnikalarini ishlab chiqaruvchilarning mahsulotlarini 7-son qaror talablari bo‘yicha subsidiyali va imtiyozli shartlarda fermer xo‘jaliklari va klasterlarga lizing asosida yetkazib berishdan iboratdir.
Yil boshidan buyon “Avtosanoat agro lizing” lizing kompaniyasi tomonidan umumiy qiymati 200 milliard so‘mlik 600 dan ortiq zamonaviy qishloq xo‘jaligi texnika va agregatlari lizing asosida yetkazib berildi.
"UzAuto CV" MChJ tizim korxonalari tomonidan ishlab chiqarilgan 260 dona turli xil yuqori unumli traktorlar, 30 dan ortiq g‘alla o‘rish kombaynlari, 40 dona paxta terish mashinalari, 120 dona tirkamalar, 10 dan ortiq aylanma omochlar va boshqa turdagi texnikalar shular jumlasidandir.
Lizingga texnika olish uchun talabning ortishi 7 – son qaror talabalari bo‘yicha subsidiya ajratish tartibi yo‘lga qo‘yilgani bilan bevosita bog‘liq desak mubolag‘a bo‘lmaydi.
Mazkur qaror bilan qishloq xo‘jaligi texnika va agregatlariga texnika umumiy qiymatining 15 foizi miqdorida subsidiya ajratish hamda lizing foizining 10 foizdan yuqori qismini subsididiya asosida davlat tomonidan qoplanishi qarorda aniq belgilab qo‘yilgan.
Joriy yilning o‘tgan davri mobaynida lizing asosida olingan texnika va agregatlar uchun jami 330 dona texnikalar kesimida jami 13,0 mlrd. so‘mlik subsidiyalar fermer xo‘jaliklari va klasterlarga ajratildi.
Mijozlar tomonidan mazkur mablag‘lar birinchi navbatda joriy texnikalardan hosil bo‘lgan lizing qarzdorliklarini so‘ndirish maqsadida “Avtosanoat agro lizing” ga yo‘naltirildi.
Quvonarlisi, “O‘zbekiston lizing uyushmasi” ma'lumotlariga ko‘ra, I-yarim yillik moliyaviy natijalar bo‘yicha “Avtosanoat agro lizing” mamlakatimiz lizing bozorida 4 o‘rinni egalladi. Faoliyatini boshlaganiga hali uncha ko‘p bo‘lmagan lizing tashkiloti uchun bu ajoyib natija.
Bundan tashqari joriy yilning 28 iyulida O‘zbekiston Respublikasi Prezidentining 335-sonli qarori qabul qilindi. Mazkur qaror bilan 11 noyabr' 2021 yilda qabul qilingan 7-son qarorga qo‘shimcha va o‘zgartirishlar kiritildi.
Yangi qaror talablari bo‘yicha avvagli qaror ro‘yxatiga kiritilmagan yuqori unumli haydov traktorlari, qator agregatlar hamda g‘alla o‘rish kombaynlarining yangi modellariga ham subsidiya ajratish tartiblari tasdiqlandi.
Yuqoridagilardan ham ko‘rishimiz mumkinki, qishloq xo‘jaligini zamonaviy texnikalar bilan ta'minlash, imtiyozlar joriy etish bo‘yicha Prezident qarori amaliyotga to‘liq tatbiq etilgan.
Qaror bilan tasdiqlangan aniq mexanizmlar ishlamoqda.
Mazkur qarorlarda “O‘zavtosanoat” AJga yuklatilgan vazifalar esa o‘z vaqtida va sifatli bajarilmoqda.
“O‘zavtosanoat” AJ rahbari tashabbusi bilan tashkil etilgan “Avtosanoat agro lizing” lizing kompaniyasi o‘z oldiga katta rejalarni qo‘ygan holda mamlakatimiz qishloq xo‘jaligini zamonaviy texnikalar bilan imtiyozli hamda subsidiyalar asosida ta'minlash borasida jadal ishlar olib bormoqda.