Ишлаб чиқаришни маҳаллийлаштиришда ҳамкорликка даъ...
Шу йилнинг 26 май куни «Ўзавтосаноат» АЖ қошидаги «Cooperation lab» тармоқлараро кооперацияни ривожлантириш маркази ҳамда «UzAuto Motors» АЖ ўқув-ишлаб чиқариш инжиниринг маркази томонидан «Инвесторлар ва тадбиркорлар учун автомобиль импорт қисмларини маҳаллийлаштириш» бўйича семинар бўлиб ўтди.
Семинарни «Ўзавтосаноат” АЖ Ишлаб чиқариш масалалари бўйича бошқарув раисининг ўринбосари Фарход Тўраев кириш сўзида қисқача марказ фаолияти ҳақида маълумот берди:
— Марказимиз ишлаб чиқарувчи ва тадбиркорлар ўртасида алоқаларни яратиш билан чекланиб қолмай, инновацион лойиҳаларни “ғоядан то растагача” интеллектуал томондан қўллаб қувватлайди. Олий мақсадимиз Ўзбекистонда импорт ўрнини босувчи маҳсулотларни ишлаб чиқаришдир. Шунингдек, маҳаллийлаштиришни кўпайтириш учун ташаббусларни қўллаб-қувватлаш, бундан ташқари ишлаб турган корхоналарни чуқур таҳлил қилиб, салоҳиятини янада оширишга кўмаклашишдан иборат.
Мазкур тадбирни ўтказишдан мақсад, ҳозирги кунда импорт бўлиб келаётган бутловчи қисмларни маҳаллийлаштириш бўйича ҳамкорликни янада ривожлантириш ва уни соҳалараро ҳамкорлик даражасига олиб чиқиш.
Хусусан, соҳага қизиқиши бор инвестор ва тадбиркорлар қандай қилиб «UzAuto Motors» таъминотчиси бўла олиши ҳамда истиқболдаги режаларни келишиб олиш учун ташкил этилди.
Тадбир доирасида амалга оширилаётган лойиҳалар жумладан, алюмин дисклар, рул чамбараклари, пружина ва стабилизатор бар, олд ойна тозалагичлар ва ойна кўтаргичлар, резина қистиргичлар ишлаб чиқариш кабилар ҳақида маълумот берилди.
Анжуман якуни иштирокчилар томонидан билдирилган таклифлар орқали баҳс мунозараларга бой бўлди.
