Bugungi kunda O‘zbekistonda avtomobillarga bo‘lgan talabning anomal o‘sishi kuzatilmoqda. Shubhasiz, UzAuto Motors jamoasi kontraktatsiyaning oylik o’sish sur’atini ta’minlash uchun barcha chora-tadbirlarni amalga oshiradi. UzAuto kompaniyasi tomonidan General Motors bilan 2023-yilda dunyodagi inqiroz sharoitida ishlab chiqarish hajmini yiliga 500 ming dona avtomobilgacha oshirish bo‘yicha kelishuvga erishildi.
Talabning anomal o’sishi hamda global muammolar kuchayganini hisobga olib, ayni paytda ommabop avtomobillar uchun shartnomalar qabul qilishni vaqtincha to‘xtatib, barcha sa’y-harakatni avval tuzilgan shartnomalar bo’yicha avtomobil ishlab chiqarishga yo'naltirdi.
Hozirgi sharoitda UzAuto Motors’ning asosiy maqsadi avval tuzilgan shartnomalar bo’yicha o’z majburiyatlarini bajarishdir.
Avtomobil narxi bilan bog’liq ma’lumotlar va boshqa yangiliklar haqida kompaniya o’zining rasmiy sayti va ijtimoiy tarmoqdagi sahifalarida rasman ma’lum qiladi.
Sizning qo’llab-quvvatlashingiz bilan tez orada yuzaga kelgan vaziyatni yengillashtirishimiz hamda ommabop avtomobil modellari uchun shartnomalar qayta yo’lga qo’yilishiga ishonamiz.
