Toshkentda badiiy gimnastika bo‘yicha Jahon kubogi...
An’anaga ko‘ra, har yili aprel oyida Toshkent xalqaro miqyosidagi eng yirik sport musobaqalaridan biriga mezbonlik qiladi. Musobaqalar 14 aprel kuni start oldi va shu kuni turnirning tantanali ochilish marosimi bo'lib o'tdi.
Bu yilgi kubok geografiyasi avvalgi yillarga nisabat kengaygan. Poytaxtimizdagi musobaqa maydonchasiga Avstraliya, Ozarbayjon, Bolgariya, Braziliya, Kanada, Xitoy, Kuba, Misr, Estoniya, Finlyandiya, Germaniya, Italiya, Vengriya, Hindiston, Yaponiya, Qozog‘iston, Qirg'iziston, Koreya, Latviya, Malayziya, Moldova, Norvegiya, Yangi Zelandiya, Filippin, Ruminiya, Janubiy Afrika, Sloveniya, Tailand, Turkiya, AQSh kabi jami 30dan ziyod mamlakatdan ishtirokchilar tashrif buyurishadi.
Toshkentda bo‘lib o‘tayotgan jahon chempionatida O‘zbekiston sharafini Osiyo chempioni, Islom birdamlik o‘yinlari, shuningdek, jahon chempionatlari g‘olibi, terma jamoa yetakchisi Taxmina Ikromova, Osiyo chempioni, Islom birdamlik o‘yinlari chempioni Yosmina Rahimovalar himoya qiladi. Guruh mashqlarida: Yekaterina Fetisova, Ruxshona Dehqonova, Shahzada Ibragimova, Nargiza Jumaniyozov, Mumtoza Isxakzoda, Hirodaxon Sadikova jamoada ishtirok etishadi. Eslatib o'tamiz, Yekaterina Fetisova 2020 yilgi Olimpiada o'yinlarining individual mashqlar bo'yicha ishtirokchisi.
Nufuzli xalqaro turnir tashkilotchilari – Sportni rivojlantirish vazirligi, Milliy olimpiya qo‘mitasi, O‘zbekiston gimnastika federatsiyasi, Toshkent shahar hokimligi. Bosh homiy “O‘zavtosanoat” AJ.
Eslatib o’tamiz, “O‘zavtosanoat” ko‘p yillardan buyon milliy gimnastikaga katta yordam ko‘rsatib kelmoqda. Kompaniya bundan keyin ham ushbu xayrli an’anani davom ettirish va sportchilarning yuksak natijalarga erishishi uchun barcha shart-sharoitlarni yaratishni maqsad qilmoqda.
Ma’lumot uchun: O‘zbekistonda ilk bor badiiy gimnastika bo‘yicha bunday yuqori miqyosdagi turnirlar 2004 va 2005-yillarda o‘tkazilgan. Yana 5 yildan so'ng 2010 yilda Toshkentda Osiyo chempionati bo'lib o'tdi. O‘shandan beri poytaxtimizda har yili dunyoning eng kuchli gimnastikachilari tashrif buyuradilar. Musobaqalarning yuqori saviyada tashkil etilishi esa Xalqaro gimnastika federatsiyasi a’zolarining fikricha, O‘zbekiston federatsiyasiga gimnastika bo‘yicha eng yaxshi 10 ta tashkilot qatoriga kirish imkonini berdi.
