ЦВЕТОВАЯ СХЕМА
РАЗМЕР ШРИФТА
So'rang javob beramiz

UzAuto va CIM 4.0 O'zbekistonda UzAuto kompetentsiya Markazini tashkil etadi

  • Bosh sahifa
  • UzAuto va CIM 4.0 O'zbekistonda UzAuto kompetentsi...

UzAuto Italiyaning CIM 4.0. texnologiyalarini uzatish va vakolatlarni tarqatish markazi vakillarining O’zbekistonga tashrifi davomida mamlakatda “UzAuto kompetensiya markazi”ni tashkil etish bo’yicha hamkorlik bitimini imzoladi.

CIM 4.0 kelishuviga ko‘ra, Italiyaning Turin politexnika instituti va Toshkentdagi Turin politexnika universiteti O‘zbekistonda Sanoat 4.0 texnologiyalaridan foydalangan holda ishchi-xizmatchilarning malakasini oshirishni qo‘llab-quvvatlashga yo‘naltirilgan akademiya tizimi bo‘ladigan “UzAvto Kompetensiya Markazi”ni ishlab chiqish va faoliyat yuritishida ishtirok etadi.

Markaz O‘zbekiston avtomobilsozlik sohasida ishlab chiqarish raqobatbardoshligini oshirish, jumladan, Toshkent shahridagi POLITO Turin politexnika universiteti bilan hamkorlikda tashkil etilgan “Sanoat ishlab chiqarish texnologiyalari” mutaxassisligi bo‘yicha malaka oshirish kursi sinergiyasini yo‘lga qo‘yishni maqsad qilgan.

CIM 4.0 kompetentsiya markazi delegatsiyasi avtomobil zavodi faoliyatini oʻrganish, shuningdek, “UzAuto Plant Academy” va “Industry 4.0” akademiyalarini joriy etish bosqichini amalga oshirish maqsadida Asakadagi UzAuto Motors zavodiga tashrif buyurdi.

CIM 4.0 - bu  davlat-xususiy sherikligida “Industry 4.0” muammolarini hal qilish, texnologiyalar transferini qo‘llab-quvvatlash, innovatsion loyihalarni ishga tushirish, texnologiya xabardorligini oshirish va innovatsion fondlarni boshqarish uchun 3 ta davlat organi, 22 korxona va 2 biznes-assotsiatsiyadan iborat.

O‘zbekistonda CIM 4.0 dasturining asosiy maqsadi mutaxassislar malakasini oshirishni qo‘llab-quvvatlovchi akademiyalar tizimini rivojlantirish, yoshlarni “Industry 4.0” texnologiyalari bilan ishlashga tayyorlash va avtomobilsozlik sohasida ishlab chiqarishning raqobatbardoshligini oshirishdan iborat.

"UzAuto Plant Academy" avtomobil zavodi xodimlarini o'qitish va rivojlantirish, shuningdek, UzAuto Motors sifatida ishlab chiqarishning asosiy ko'rsatkichlarini (moliya, sifat, xavfsizlik) qo'llab-quvvatlash va takomillashtirish uchun mo'ljallangan.

Tashrif davomida CIM 4.0 vakillari hamkorlikning oltita asosiy yo‘nalishini: xarajatlar, global xaridlar, sifat, texnik xizmat ko‘rsatish, logistika va muhandislik ta’minotini rivojlantirishni ajratib olishdi.

Delegatsiya ishlab chiqarish jarayonida yuzaga keladigan muammolarni o'rganish uchun UzAuto Motors’ning texnologiya, xarajatlarni hisoblash  va global xaridlar bo'limlari bilan ish muhokamasini o'tkazdi. Muzokaralar davomida asbob-uskunalar narxi, ishlab chiqarish xarajatlari, hisob-kitoblar va rejalashtirish masalalari muhokama qilindi.

Ishchi tashrif davomida CIM 4.0 mutaxassislari  bir qator munozarali uchrashuvlar o'tkazishdi. Unda ishlab chiqarish, logistika, ta'minot zanjiri va ishlab chiqarishning boshqa muhim yo'nalishlari bo'yicha zavod muhandislarini qiziqtirgan masalalar muhokama qilindi.