Ulug’bek Rozukulov “O'zavtosanoat” AJ boshqaruvi raisi lavozimiga tayinlandi

Joriy yilning 24 mart kuni Rozukulov Ulug’bek Ubaydullayevich “O'zavtosanoat” AJ boshqaruvi raisi lavozimiga tayinlandi. 

Ulug'bek Rozukulov 1969-yilda tug'ilgan, M.V. Lomonosov nomidagi Moskva davlat universiteti, shuningdek, Rossiya Fanlar akademiyasining Iqtisodiyot institutida aspiranturani bitiruvchisi, iqtisod fanlari nomzodi.

U mazkur tayinlovga qadar, O’zbekiston Respublikasining Indoneziya, Vyetnam va Janubi-Sharqiy Osiyo Assotsiatsiyasi (ASEAN) favqulodda va muxtor elchisi sifatida faoliyat ko’rsatib kelayotgan.

2007-2017 yillarda bosh vazir o’rinbosari - "O'zavtosanoat" boshqaruv raisi lavozimida faoliyat yuritgan. 

Qolaversa, turli yillarda “O‘zbekiston havo yo‘llari” Milliy aviakompaniyasi, Tiklanish va taraqqiyot jamg‘armasi va O‘zbekiston Iqtisodiyot vazirligida rahbarlik lavozimlarda ishlagan.

• event 24/03/2023
• local_offer Bo'lim: Yangiliklar