Ko'p beriladigan savol

Har qanday Kafolatning shartlari servis kitobchasida batafsil bayon etilgan.

«Avtomobil bo‘yicha kafolatning saqlanishi uchun Egasi “UzAuto Motors” AJning dilerlik markazida davriy xizmat ko‘rsatishdan o‘tishi shart:

1. a) Spark, Nexia, Damas-2, Labo, Lacetti, Cobalt modellari uchun – birinchi texnik xizmat ko‘rsatish, qaysi biri avvalroq kelishiga qarab, 2500 km gacha yo‘l o‘tilganda yoki avtomobil sotib olingan sanasidan 3 oy o‘tganda o‘tkaziladi. Keyingi har bir 7500 km o‘tilgan yo‘l yoki har 6 oy oralig‘ida, qaysi biri avvalroq kelishiga qarab (10000 km, 17500 km, 25000 km va hokazo).
2. b) Malibu-2, TRAILBLAZER, TAHOE, TRAVERSE, EQUINOX modellari uchun – birinchi texnik xizmat ko‘rsatish, qaysi biri avvalroq kelishiga qarab, 7500 km gacha yo‘l o‘tilganda yoki avtomobil sotib olingan sanasidan 6 oy o‘tganda o‘tkaziladi. Keyingi har bir 7500 km o‘tilgan yo‘l yoki har 6 oy oralig‘ida, qaysi biri avvalroq kelishiga qarab. (15000 km, 22500 km va hokazo)
3. c) ONIX, Tracker-2 birinchi texnik xizmat ko‘rsatish, qaysi biri avvalroq kelishiga qarab, 5000 km gacha yo‘l o‘tilganda yoki avtomobil sotib olingan sanasidan 6 oy o‘tganda o‘tkaziladi. Keyingi har bir 5000 km o‘tilgan yo‘l yoki har 6 oy oralig‘ida, qaysi biri avvalroq kelishiga qarab. (10000 km, 15000 km va hokazo)
4. d) Captiva-3 birinchi texnik xizmat ko‘rsatish, qaysi biri avvalroq kelishiga qarab, 1000 km gacha yo‘l o‘tilganda yoki avtomobil sotib olingan sanasidan 3 oy o‘tganda o‘tkaziladi. Keyingi har bir 6000 km o‘tilgan yo‘l yoki har 6 oy oralig‘ida, qaysi biri avvalroq kelishiga qarab. (7000 km, 13000 km va hokazo)

Davriy xizmat ko‘rsatishdan o‘tish reglamenti buzilganda avtomobil bo‘yicha kafolat bekor qilinadi.

Rasmiy sayt:  www.chevrolet.uz

Koll markazi: (378) 141-77-77 telefon raqami

********************

Rasmiy sayt: https://bydfactory.uz

Koll markazi: +998 55 151-88-88 telefon raqami

********************

Rasmiy sayt: https://www.agrotechklaster.uz

Koll markazi: +998 78 150-66-66 telefon raqami

Kompaniya rasmiy saytida taqdim etilgan ma’lumotga asosan.

Pochta manzili: 100000, Toshkent shahri, Mirobod tumani, Amir Temur ko‘chasi, 13-uy  hamda elektron manzili: info@uzautomotors.com

Kafolat servis xizmat ko‘rsatish rasmiy dilerlik korxonalari tomonidan avtomobilning servis kitobchasida ko‘rsatilgan muddat ichida, kafolat xizmat ko‘rsatish reglamenti  asosida (almashtirilishi lozim bo‘gan detallar va xizmatlar) taqdim etiladi.

Bizning kompaniyamiz xaridorga, uning tomonidan sotib olingan avtomobil qat’iy sifat talablariga muvofiq ishlab chiqarilganligini kafolatlaydi. Shu sababli, kafolat muddati mobaynida rasmiy dilerlik markazi quyidagi shartlarga rioya qilinganda, to‘liq bepul tarzda detallar almashtirilishini va xizmat ko‘rsatilishini ta’minlaydi:

Kafolat servis xizmat ko‘rsatish faqat rasmiy dilerlik korxonalari orqali sotilgan avtomobillar bo‘yicha taqdim etiladi. Kafolat servis xizmat ko‘rsatish normal sharoitlarda foydalaniladigan avtomobillar uchun, (qaysi biri avvalroq kelishiga qarab) avtomobilning mijoz tomonidan qabul qilinishi kunidan boshlab 3 yil  davomida yoki avtomobilning 100 ming km lik o‘tilgan yo‘li  mobaynida taqdim etiladi. Kafolat servis xizmat ko‘rsatish faqat rasmiy dilerlik korxonalarida amalga oshiriladi.

Kafolat servis xizmat ko‘rsatish uchun buyurtmalar faqat avtomobilning kafolat servis xizmat ko‘rsatish kitobchasi bilan birga qabul qilinadi. Kafolat servis xizmat ko‘rsatish davri mobaynida avtomobilning yangi egasi xuddi shunday xizmat ko‘rsatish huquqlariga ega bo‘ladi. Buning uchun avtomobilni sotish paytida servis kitobchasini yangi egasining nomiga qayta rasmiylashtirish zarur.

Avtomobillarni rasmiy dilerlik korxonalari orqali sotishda to‘langan mablag‘ to‘g‘ridan-to‘g‘ri kompaniyaning maxsus hisobraqamiga o‘tkaziladi, va to‘langan mablag‘ni qaytarish jarayoni ishlab chiqaruvchi kompaniyaga bevosita bog‘liq bo‘ladi. Buning uchun quyidagi hujjatlarni tayyorlash lozim: Mijoz (jismoniy yoki yuridik shaxs) va rasmiy dilerlik korxonasi o‘rtasida avtomobilni yetkazib berish shartnomasi bo‘yicha to‘langan mablag‘ni qaytarish yuzasidan ariza; belgilangan tartibda rasmiylashtirilgan to‘langan mablag‘ni solishtirish dalolatnomasi, to’langan mablag’ni tasdiqlovchi to’lov qog’ozi. Barcha hujjatlar dilerlik tashkilotiga taqdim qilinganidan keyin pul mablag‘larini qaytarish amalga oshiriladi.

1. Avtomobillarni jismoniy shaxslarga sotish quyidagi tartibda amalga oshiriladi:

- bank muassasalarining kassalariga naqd pul mablag‘larini topshirish yo‘li bilan;

- tijorat banklari tomonidan avtomobilni sotib olish uchun ajratiladigan iste’mol kreditlari hisobiga jismoniy shaxslarning omonat (depozit) yoki ssuda hisobraqamlaridan pul mablag‘larini o‘tkazish yo‘li bilan.

- faqat xaridorning nomiga rasmiylashtirilgan jismoniy shaxsning plastik kartochkasi orqali.

2. Avtomobillarni yuridik shaxslarga sotish quyidagi tartibda amalga oshiriladi:

- banklardagi ularning talab qilib olinguncha depozit hisobraqamlaridan qonunchilik bilan belgilangan tartibda pul mablag‘larini o‘tkazish yo‘li bilan;

- tijorat banklari tomonidan avtomobilni sotib olish uchun ajratiladigan kreditlar hisobiga yuridik shaxslar va shaxsi tadbirkorlarning ssuda hisobraqamlaridan pul mablag‘larini o‘tkazish yo‘li bilan.

Dastlabki to‘lovning belgilangan miqdori, yoki avtomobilning to‘liq qiymatining Ishlab chiqaruvchining bank hisobraqamiga kelib tushishi sanasidan boshlab avtomobilni yetkazib berish:

- 1 (bir) ish kuni - Dilerda (omborda) mavjud bo‘lgan avtomobil uchun;

- 60 (oltmish) ish kuni - Sanoat yig‘ish usuli bilan yig‘iladigan avtomobil uchun;

- 90 (to‘qson) ish kuni – Yirik tarmoqli yig‘ish usuli bilan yig‘iladigan avtomobil uchun;

- 120 (bir yuz yigirma) ish kuni - opsiyalarning standart to‘plamidan farqli, Mijozning tanloviga ko‘ra mumkin bo‘lgan opsiyalarning o‘zgartirilgan to‘plami bo‘lgan, Sanoat yig‘ish usuli bilan yig‘iladigan avtomobil uchun.

Avtomobillarni yetkazib berishning belgilanagn muddatlari buziolishi uchun, shuningdek boshqa shartlarning buzilishlari uchun dilerlik bitimlarida belgilangan choralar, to bitimlarni bekor qilishgacha, qo‘llanadi.

Barcha turdagi tijoriy va hamkorlik yuzasidagi takliflarni jamiyatning info@uzavtosanoat.uz elektron manzili orqali yuborishingiz mumkin.

“SamAuto" MChJ QK dilerlik markazlari tarmoglida ishlaydigan ustalar (mexaniklar, etektriklar va boshqalar) ISUZU standartlariga muvofiq mahsulotlar bo‘yicha maxsus tayyorgartikdan o‘tadilar, muntazam ravishda o‘z malakalarini zavodda oshiradilar. Avtomobillarni diagnostika qilish va ta’mirtashda ular maxsus asbob-uskunalar hamda iihozlardan foydalanadilar.