Ўзавтосаноатда Душанбе шаҳри мэрияси вакиллари билан музокаралар ўтказилди

Душанбе шаҳри мэрияси вакиллари Ўзавтосаноат корхоналари фаолияти билан танишиш учун Ўзбекистонга ишчи ташриф билан келдилар. Ушбу ташриф доирасида Душанбе мэрияси вакиллари “Ўзавтосаноат” АЖ раҳбарияти билан музокаралар ўтказдилар – томонлар эҳтимолий ҳамкорлик истиқболларини, шунингдек Душанбеда енгил автомобиллар ва тижорат техникасини йирик блокли йиғув заводини очиш лойиҳасини амалга оширишни муҳокама қилдилар.

Шунингдек, танишиш мақсадида, меҳмонлар Ўзавтосаноатнинг асосий ишлаб чиқариш корхоналари – Асака ш.даги енгил автомобиллар ишлаб чиқариш заводига, Самарқанддаги “СамАвто”, “Ўзавтотрейлер”, “Uz Truck and Bus Motors”, шунингдек Тошкендаги UzAuto Motors Powertrain заводларига бордилар.

• event 24/06/2022
• local_offer Bo'lim: Yangiliklar