Кuni kecha Telegram kanallarning birida "Жентра 15 000 км юрган экан 1 грамм мой чиқмабти" deb nomlangan video tarqaldi. Bu esa jamoatchilik orasida turli xil tushunmovchiliklarga sabab bo’ldi.
Uzauto Motors bunday videoga befarq bo’lmadi. Samarqand shahridagi dilerlik markazi tomonidan o’rganish ishlari olib borildi.
O’rganishlar natijasida ushbu avtomobil 2015 yilda ishlab chiqarilganligi hamda 64 935 km masofa yurganligi aniqlandi. Video muallifi ma'lumotning noto'g'ri ekanligini oldindan bila turib uni tarqatganligini diler tomonidan tasvirga olingan videoda yaqqol koʻrishingiz mumkin.
Shubhasiz, ushbu video mijozlarni avtomobil moylarini almashtirish punktiga jalb qilish maqsadida tasvirga olingan va tarqatilgan.
Hurmatli mijozlarimizdan internet tarmog’ida tarqatilayotgan har qanday tekshirilmagan axborotlarga ishonib qolmasliklarini so'rab qolamiz!
Kompaniya har qanday holatda ham xaridorlar va mijozlar bilan konstruktiv muloqotga kirishishga hamda har qanday muammoni ijobiy hal etishga tayyorligini, biroq bu kabi holatlar uchun qonuniy chora ko‘rilishini so‘rab huquqni muhofaza qiluvchi orgarlarga murojaat qilshga majbur bo‘lishini ma’lum qiladi.
