Zamonaviy traktorlar xaridorlar sinovlaridan muvaf...
📆 Joriy yilning 3 iyun sanasida Farg'ona shahrida klaster va fermer xo'jaliklarining 100 nafardan ortiq vakillari ishtirokida demo seminar bo'lib o'tdi.
Tadbir avvalida Chirchiq qishloq xo’jaligi mashinasozligi klasteri "Agrotechklaster"da ishlab chiqarilayotgan qishloq xo'jaligi texnikalarining ko’rgazmasi tashkil etildi.
So’ngra, “Аgrotechklaster” xamda “Dong Feng” kompaniyasi mutaxassislari hamkorligida ishlab chiqarilayotgan TAT DF 904 va TAT DF 903 milliy traktorlari dala sinovidan o’tkazildi. Agrotexnik tadbir davomida fermerlar mazkur traktorlarning vazifasi, texnik imkoniyatlari, samardorligi hamda afzalliklari bilan tanishish imkoniyatiga ega bo'ldilar.
Sinov ishlari muvaffaqiyatli yakunlangach, bir necha fermerlarning milliy traktorlar haqidagi fikrlari bilan qiziqdik.
🎤 "Avvalgi traktorimiz kabinasida juda qiynalardim. Rul boshqaruvi murakkab, tormoz tizimi ham qattiq va tez ishdan chiqardi. Eshiklaridagi detallarni har 4 - 5 oyda almashtirar edim. Bugun biz sinovdan o'tkazgan traktorlar esa har tomonlama juda qulay ekan. Menga yoqqan jihati, eshiklari va rul tizimi gidravlika. Tormoz tizimi esa suyuqlikda bo'lib, muftani bosish qulay va yumshoq ekan".
— "Men 15 yildan beri qishloq xo’jaligi sohasida faoliyat yuritaman. Avval yozning jaziramasida ishlab bo'lmas edi va biz ko'p vaqt yo'qotar edik. TAT traktorlarining konditsioner va termoizolyatsiya tizimi tashqaridagi issiq havo va changni tashqaridan kabinaga umuman kiritmas ekan. Shu bois, endi ish unumdorligi oshirish maqsadida traktorlar parkini mana shu traktorlar bilan boyitishni maqsad qildik".
— "TAT traktori bemalol 3 metrli lazer yer tekislagichni tortib ko'rsatdi. Chizelni 3 hil tezlikda tortdi, bizga juda ma'qul. Bu solyarka kamroq sarflanishi va ishni tezroq tugatishimizga yordam beradi. Hatto 3 korpusli omochni ham bemalol tortar ekan. Qoyil, 10 ot kuchi farqi ham shuncha afzallik berar ekan. Traktor yoqdi, mehnat unumdorligini oshiradi, kam harajatli texnika. 4ta traktorga shartnoma tuzdim" — dedilar fermer akalarimiz.
Ha, kun bo'yi qattiq rulni boshqarish, qattiq tormoz sistemasini bor kuch bilan bosish, uning ustiga esa, issiq kabinada ishlash juda murakkab jarayon va qator noqulayliklar tug'diradi. Bu vaziyatda konsentratsiyani saqlash o'ta qiyin.
Biz ushbu muammolarni bartaraf etish maqsadida Siz uchun yangi, innovatsion va zamonaviy traktorlarimizni yaratdik. "Agrotechklaster" tomonidan ishlab chiqarilayotgam TAT DF traktorlari mehnat unumdorligini oshiradi va ekpluatatsiya davomidagi xarajatni 4 - 5 marta kamaytirish imkoniyatiga ega.
✅ Eslatib o'tamiz, texnikalar xaridi uchun 15% lik subsidiya mavjud. Bundan tashqari kredit va lizing stavkasi uchun ham 10% dan yuqori punktini qoplash bo’yicha subsidiya olishingiz mumkin!
