Avtomobilsozlik sanoatining Xorazm viloyati Tuproq...
“UzAuto Motors” Xorazm filiali 10 yoshda!
Avtomobilsozlik sanoatining Xorazm viloyati Tuproqqal’a tumaniga kirib borganiga 10 yil bo’ldi. Ushbu hudud infratuzilmasini butunlay oʼzgartirib yuborgan “UzAuto Motors” Xorazm viloyati filiali Oʼzbekiston Respublikasi Vazirlar Mahkamasining 2013 yil 21 fevraldagi «Xorazm viloyatida Damas rusumli yengil avtomobillarni ishlab chiqarishni tashkil qilish chora tadbirlari toʼgʼrisida»gi 51-sonli Qaroriga muvofiq tashkil etilgan. Bu manzilni rivojlantirish yo’lidagi muhim qadam ayni zavodning ishga tushirilishi bilan bog’liq. Puxta o’ylangan va aniq maqsadga asoslangan.
O’zbekiston Respublikasi Prezidenti tomonidan avtomobil sanoatini jadal rivojlantirish yo’lida imzolangan qator hujjatlari, qolaversa, zavodda avtomobil ishlab chiqarish hajmini oshirishga boʼyicha bergan topshiriqlariga asoslangan holda 2016 yildan buyon zavodda modernizatsiya ishlari olib borilmoqda. Yangi sexlar, yangi liniyalar ishga tushirilmoqda. Bu kabi islohotlar samarasi 2023 yilga kelib mahsulot ishlab chiqarish hajmining 2022 yilga nisbatan 22%ga oʼsganida namoyon boʼladi. Ahamiyatlisi, modernizatsiya natijasida Damas va Labo avtomobillarini ishlab chiqarish ko’rsatkichi 90 mingdan 120 ming donaga o’sdi. Xususan, birgina o’tgan yilning o’zida 96 ming dona Damas va 24 ming dona Labo avtomobili ishlab chiqarishga erishildi. Zavodda ishlab chiqarilayotgan mahsulotlarning mahalliylashtirish darajasi 55%ga yetkazildi.
Eng muhimi, Tuproqqalʼa tumanining 4 mingga yaqin aholisi “UzAvto Motors” Xorazm viloyati filiali orqali oilasini tebratyapti. Qaysi xodimni savolga tutsangiz “Halol rizqi”ni shu yerda topayotganini aytadi.
Shunday qilib, ko’hna va hamisha navqiron Xorazm nafaqat tarixiy obidalari-yu, qadamjolari, balki avtomobil zavodi bilan ham mashxurdir. Temir tulporlar esa, bu yer aholisining uzog’ini yaqin , mushkulini oson qilishda davom etadi. Zero, eʼtibor bor joyda taraqqiyot ham bo’ladi.
