"O'zavtosanoat" AJ boshqaruvi raisi Ulug'bek Rozukulovning Andijon viloyatiga tashrifi doirasida Andijon viloyati hokimi Shuhrat Abdurahmonov bilan birgalikda "Andijon" klubi a'zolari bilan uchrashdi.
Muloqot davomida Andijon viloyatida futbolni rivojlantirish uchun qulay shart-sharoitlar yaratish, ayniqsa yoshlarni sportning futbol turi bilan shug‘ullanishlari uchun moddiy-texnik bazani mustahkamlash va ularni sportga keng jalb qilish kabi masalalarga alohida to’xtalib o’tildi.
Ochiq muloqot tarzida kechgan uchrashuvda Andijon viloyatida millionlar o‘yini bo‘lgan futbolni yanada ommalashtirish yo‘lida amalga oshirilishi lozim bo’lgan ishlar bo’yicha takliflar o’rtaga tashlandi. Sportchilarning xalqaro maydonlarda munosib ishtirok etishini ta’minlash borasida qilinayotgan chora-tadbirlar yuzasidan fikr-mulohazalar almashildi.
Eslatib o'tamiz, "O'zavtosanoat" AJ "Andijon" futbol klubi hamda O'zbekiston gimnastika federatsiyasining bosh homiysi sifatida uzoq yillardan buyon O'zbekiston sportini qo'llab-quvvatlagan holda, nafaqat sportchilarning moddiy-texnik bazasini ta'minlash, balki, mamlakatimizda sportni yanda ommalashtirishga o'z hissasini qo'shib kelmoqda.
- 23/06/2023
- Bo'lim: Yangiliklar