“UZAUTO MOTORS” AJ NAVBATDAGI DILЕRLIK KЕLISHUVIN...
"UzAuto Motors” AJ “Zomin-Avtosavdo” MCHJ bilan dilerlik kelushuvidagi bir qator qoidabuzarliklar sabab shartnomani bekor qilganligini ma’lum qiladi.
“UzAuto Motors” AJ tomonidan Jizzaxda joylashgan “Zomin-Avtosavdo” MCHJda o‘tkazilgan monitoring natijasida Diler korxonasi tomonidan tizimli ravishda xato va kamchiliklarga yo‘l qo‘yilganligi hamda dilerlik kelishuvining qator bandlari qo‘pol ravishda buzilganlik holatlari aniqlandi.
“Zomin-Avtosavdo” MCHJ va mijozlar o‘rtasida tuzilgan shartnomalar bo‘yicha Dilerning mijozlar oldidagi majburiyatlarini Kompaniya o‘z vaqtida va to‘liq bajarilishini kafolatlaydi.
Kompaniya Dilerlik tarmoqlari faoliyatida yo‘l qo‘yilayotgan kamchilik va qoidabuzarliklarni aniqlashda davom etadi.
Hurmatli fuqarolar, agarda dilerlik markazlari tomonidan avtomobil xarid qilish bog'liq jarayonda qo‘shimcha pul talab qilinsa, sizdan kompaniyaning “call-center” raqamiga 78 141 77 77 murojaat qilishingizni so‘raymiz.
