“BYD Uzbekistan Factory” MChJ QK BYD’ning Xitoydan tashqaridagi zavodlari orasida birinchi bo‘lib “Uch yulduzli zavod” (Three-Star Factory) sertifikatiga ega bo‘ldi.
Mazkur natija BYD’ning “Star Rating” baholash tizimi doirasida o‘tkazilgan ikki bosqichli audit yakunlariga ko‘ra tasdiqlandi. Audit jarayonida zavodning sifat menejmenti tizimi, ishlab chiqarish samaradorligi, jarayonlar nazorati va boshqaruv mexanizmlarining BYD’ning “Star Rating” baholash tizimi hamda IATF 16949 xalqaro standarti talablariga to‘liq mosligi e’tirof etildi.
Ushbu tarixiy natija “BYD Uzbekistan Factory” uchun yangi strategik imkoniyatlarni ochadi — keng eksport bozorlariga chiqish, yangi avtomobil modellarini o‘zlashtirish hamda ilg‘or texnologiyalarni joriy etish uchun mustahkam va ishonchli platforma yaratadi.
- 29/12/2025
- Bo'lim: Yangiliklar