Bugungi kunda yetarli ma'lumotga ega bo‘lmagan internet saytlari orqali tarqatilayotgan noto‘g‘ri ma'lumotlarga ko‘p duch kelmoqdamiz. Bunga ijtimoiy tarmoqlarda «Matiz» rusumining tashqi ko‘rinishi surati va uning «GM Uzbekistan» AJda ishlab chiqarilishiga oid, haqiqatga mutlaqo to‘g‘ri kelmaydigan ma'lumot tarqalganini misol sifatida keltirishimiz mumkin.
«GM Uzbekistan» AJ kompaniya tomonidan o‘tkaziladigan aksiyalar, ishlab chiqariladigan mahsulotlar turlari va boshqa tadbirlar haqidagi barcha haqqoniy ma'lumotlar faqatgina www.gmuzbekistan.uz va www.uzavtosanoat.uz rasmiy saytlarida hamda kompaniyaning «Facebook» ijtimoiy tarmog‘idagi rasmiy sahifasida chop etilishini yurtdoshlarimizga ma'lum qiladi.
Boshqa ijtimoiy tarmoq va sahifalarda tarqalayotgan ma'lumot va xabarlar «GM Uzbekistan» AJ faoliyatiga bog‘liq bo‘lmagani uchun rasmiy va haqqoniy hisoblanmaydi.
