Joriy yilning may oyida Sirdaryolik qishloq xo’jaligi sohasi vakillari va fermerlar taklifi bilan Sirdaryo tumanida demo-seminar tashkil etildi. 150 nafardan ziyod klaster vakillari va fermer xo‘jaliklari ishtirokidagi uchrashuv ko'tarinki ruhda, ishtirokchilar tomonidan bildirilgan fikr va mulohazalarga boy tarzda o'tdi.
Seminar davomida “Agrotech Klaster”da ishlab chiqarilgan TAT DF-904 traktorlari chizil kultivator hamda TAT DF903 traktoriga paxtachilik kultivatorlari bilan agregatlangan holda sinovdan o‘tkazildi. Unda ishtirokchilar traktorlarni haydab, sinab ko‘rish imkoniyatiga ega bo’ldilar. Shu bilan birga, mijozlarga mazkur qishloq xo’jaligi texnikalariga Servis va xizmat ko’rsatish dilerlik markazlari to’g’risida batafsil ma’lumotlar berildi.
Kultivatorlarga qo’shimcha sifatida naralniklar o’rnatilgan holda yerga ishlov berilganda traktor hech qanday qiyinchliklarsiz agregatni torta olishi qatnashchilar diqqatiga sazovor bo’ldi. Boisi, ayni ishlov berish orqali yerning nam qismigacha chuqurlikka yetib borishga erishiladi, bu esa ekin yetishtirish davrida kamroq suv ishlatish imkonini beradi.
Fermerlarning so’zlariga ko’ra, mazkur traktorlardagi gidrotizim yog’ini saqlash bakining alohida ekani, dvigatel hamda dvigatelga yoqilgi uzatish tizimining oddiyligi, kabinada barcha sharoitlarning mavjudligi, shuningdek, mijozlar uchun qulaylik yaratish maqsadida tashkil etilgan tezkor servis xizmat ko’rsatish tizimi ushbu traktorning ommalashuvidagi asosiy omillardir .
Tadbir yakunida 50 nafarga yaqin fermerlar tomonidan 80 dona qishloq ho’jaligi texnikasini yetkazib berish bo’yicha buyurtmalar qabul qilib olindi.
Eslatib o'tamiz, texnika xaridi uchun 15% subsidiya mavjud. Bundan tashqari kredit va lizing stavkasi uchun ham 10% dan yuqori punktini qoplash bo’yicha subsidiya olishingiz mumkin!
- 07/06/2023
- Bo'lim: Yangiliklar