Bugun O‘zAuto-Austem MCHJ QK futbol jamoasi Qirg‘iziston Respublikasi, Jalolobod viloyati, Ko‘k-Jangak shahrining “Legenda” futbol jamoasi bilan o‘tkazilgan xalqaro do‘stlik uchrashuvini 3:3 hisobida yakunladi.
Uchrashuv ikki jamoaning jismoniy tayyorgarligi, taktik mahorati va o‘zaro hurmatini namoyon etdi. Bunday sport tadbirlari nafaqat sog‘lom raqobatni rivojlantiradi, balki ikki davlat o‘rtasidagi do‘stona aloqalarni mustahkamlashga xizmat qiladi.
P.S: "LEGEND" futbol jamoasi Qirg‘iziston Respublikasida Davlat Xavfsizlik Xizmati tashabbusi bilan 2025-yilda tashkil etildi. Jamoa tarkibida Senegal, Kamerun va Nigeriya davlatlaridan kelgan professional legioner futbolchilar ham bor. Qisqa vaqt ichida jamoa ajoyib natijalarga erishdi: Qirg‘iziston Milliy Ligasi (1-liga) musobaqasida hozirda 1-o‘rinda bormoqda!
