Komplayens madaniyatini yuksaltirish va korrupsiya...
Bugun “BYD Uzbekistan Factory” korxonasida “O‘zavtosanoat” AJ Komplayens departamenti tomonidan korrupsiyaga qarshi qonunchilikdagi yangi talablar hamda manfaatlar to‘qnashuvini samarali boshqarish masalalariga bag‘ishlangan axborot-targ‘ibot tadbiri o‘tkazildi. Seminar davomida ishtirokchilarga amaldagi qonunchilikdagi asosiy o‘zgarishlar va talablar, manfaatlar to‘qnashuvini aniqlash, oldini olish va tartibga solish mexanizmlari batafsil tushuntirildi.
Shuningdek, xodimlarning kasbiy faoliyatida uchrashi mumkin bo‘lgan amaliy holatlar muhokama qilinib, shaxsiy mas’uliyat, ehtimoliy manfaatlar to‘qnashuvini o‘z vaqtida oshkor etish, halollik, shaffoflik va korporativ etika tamoyillariga rioya etish masalalariga alohida e’tibor qaratildi.
Ochiq muloqot shaklida o‘tgan tadbir davomida ishtirokchilar o‘zlarini qiziqtirgan savollarga javob oldilar hamda mutaxassislarning amaliy tavsiyalari bilan tanishdilar.
Bunday tadbirlar korxonada barqaror komplayens madaniyatini shakllantirish, xodimlarning huquqiy savodxonligini oshirish va korrupsiyaga nisbatan murosasiz munosabat tamoyilini yanada mustahkamlashga xizmat qiladi.
“BYD Uzbekistan Factory” — shaffoflik, halollik va mas’uliyatli biznes tarafdori.
