“O‘zavtosanoat” AJ Boshqaruv raisi U.Rozukulov ish...
Joriy yilning 7-noyabr kuni Andijon viloyati, Asaka shahrida joylashgan “UzAuto Motors” AJ zavodining ma’muriy binosida “O‘zavtosanoat” AJ Boshqaruv raisi Ulug'bek Ubaydullayevich Rozukulov boshchiligida jismoniy va yuridik shaxslar uchun sayyor qabul tashkil qilindi.
Mazkur sayyor qabul O‘zbekiston Respublikasining “Jismoniy va yuridik shaxslarning murojaatlari to‘g‘risida”gi 2017-yil 11-sentabrdagi O‘RQ-445-son Qonuni ijrosini ta'minlash maqsadida o‘tkazildi.
Ochiq muloqot shaklida tashkil etilgan uchrashuvda Andijon viloyatining turli hududlaridan tashrif buyurgan fuqarolar muammolari o‘rganildi. Ular o‘zlarini qiziqtirgan savol va takliflarini to‘g‘ridan to‘g‘ri bildirish imkoniga ega bo‘ldilar.
Jumladan, fuqarolarning qurilish va ta’mirlash, xaridlar, ishga qabul qilish, moddiy yordam va boshqa dolzarb masalalarga oid murojaatlari qabul qilindi.
Joylarda o‘tkazilayotgan bu kabi sayyor qabullar aholiga o‘z muammolarini bevosita tashkilot rahbariga yetkazish va tezkor javob olish imkoniyatini yaratib, fuqarolar uchun yanada qulay sharoit yaratishga xizmat qiladi.
