“O’zavtosanoat” AJ: seysmik xavfsizlikni ta’minlas...
O‘zbekiston Respublikasi Prezidentining 2022-yil 30-maydagi “O‘zbekiston Respublikasining seysmik xavfsizligini ta’minlash tizimini yanada takomillashtirish chora-tadbirlari to‘g‘risida”gi PF-144-sonli Farmoni ijrosini ta’minlash maqsadida “O’zavtosanoat”AJ va tarkibiy korxonalarda zilzila va uning oqibatlarini bartaraf etishga oid ko‘rgazmali o‘quv mashg‘ulotlari o‘tkazildi.
Tadbirga hududiy favqulodda vaziyatlar boshqarmalari va shoshilinch tez tibbiy yordam ko‘rsatish xizmatining soha mutaxassislari jalb qilindi. Favqulodda vaziyatlar boshqarmasi Yong‘in-qutqaruv qismi xodimlari tomonidan favqulodda vaziyatlarda harakatlanish, maxsus qutqaruv anjomlari va o‘t o‘chirish uskunalaridan to‘g‘ri foydalanish bo‘yicha tushuntirishlar berib o‘tildi.
Shuningdek, korxonalardagi xodimlar o‘rtasida zilzila sodir bo‘lganda to’g’ri harakat qilish, zilziladan jabrlanganlarga birinchi tez tibbiy yordam ko‘rsatish, zilzila oqibatlarini bartaraf etish, bo‘yicha tushuntirish ishlari olib borildi hamda zilzila oqibatlariga oid ko‘rgazmali o‘quv-uslubiy vositalar yordamida amaliy mashg‘ulotlar o‘tkazildi.
Ushbu amaliy o‘quv mashg‘ulotini o‘tkazishdan ko‘zlangan asosiy maqsad - ehtimoliy zilzila, yong‘in yoki boshqa favqulodda holatlar oqibatlarini tezkor bartaraf etilishini va harakatlar uyg‘unligini sinovdan o‘tkazishdan, va bu bilan insonlar xavfsizligini ta’minlashdan iborat
