"Yashil makon" umummilliy loyihasi doirasida "O'zavtosanoat" AJ va jamiyat tarkibidagi korxonalar tomonidan hududlarda 2023-yil kuz mavsumida 100 ming tup manzarali, mevali daraxt va buta ko'chatlarini ekish maqsad qilingan. Jamiyat tomonidan tuproq-iqlim sharoitlariga mos 15ga yaqin turdagi daraxt va buta ko’chatlari tanlab olinib, yashillik yaratish loyihasi bugungi kunda samarali va uyushqoqlik bilan tashkil etilgan.
Shuningdek, ona tabiatimizni asrab qolishga qaratilgan “Yashil belbog’’lar loyihasi doirasida Atrof-muhitga ta’sir xavfi I-II toifalardagi korxonalar hududida ham ko’kalamzorlashtirish ishlari jadal olib borilmoqda.
O'zavtosanoat" AJ va jamiyat tarkibidagi korxonalar tomonidan “Yashil makon” umummilliy loyihasi doirasida kuzgi mavsumda yashil bog’ yaratish tadbirlari joriy yilning dekabr oyiga qadar davom etadi.
Shuningdek, “O’zavtosanoat” AJ poytaxtimizda yashil hudularni kengaytirish bo’yicha ham hayrli tashabbuslarni ilgari surmoqda. Ayni pyatda Yakkasaroy tumanida Parkning umumiy maydoni 1 ga atrofidagi oilaviy dam oladigan so‘lim hudud barpo etilmoqda. Bu yerni yashil makonga aylantirish maqsadida 300dan ortiq daraxtlar ekililishi rejalashtirilgan bo'lib, ularni doimiy ravishda sug'orib borish uchun 900 ta suv purkagichlardan iborat maxsus sug'orish tizimi o'rnatiladi.
Yozning issiq kunlarida ko'l atrofida barpo etiladigan uzumso'rilar va soyabonli joylarda maroqli hordiq chiqarishingiz mumkin. Bog'da, shuningdek, bolalar o'yingohi, "Work out" sport maydonchalari, velosiped yo'lagi tashkil etiladi.
