Avtomobilsozlik sanoati taraqqiyoti bugun nafaqat texnologiya, balki kadrlar salohiyatini boshqarishga ham tayanadi. Shuning uchun ham zamonaviy yondashuvga ega HR mutaxassislari tarmoq rivojining muhim harakatlantiruvchi kuchiga aylanmoqda. Ana shunday tajriba almashish va zamonaviy ko‘nikmalarni mustahkamlash maqsadida UzAuto Motors Powertrain zavodida “O‘zavtosanoat” AJ, uning tarkibiga kiruvchi, ishonchli boshqaruvidagi hamda avtomobilsozlik sohasiga taalluqli korxonalar HR rahbarlari hamda mutaxassislari ishtirokida o‘quv mashg‘uloti o‘tkazildi.
