O‘zbekistonda ilk bor Onix Cup monokubogiga start...
“O‘zavtosanoat” AJ tomonidan Onix Cup musobaqada ishtirok etadigan pilotlarga Chevrolet Onix avtomobillari tantanali ravishda topshirildi.
Tadbirda “O‘zavtosanoat” AJ Boshqaruv raisi o‘rinbosari Davron Hidoyatov pilotlarga avtomobillarni topshirdi.
Mazkur loyiha O‘zbekistonda avtomobil sportini rivojlantirish, yangi ralli yo‘nalishini shakllantirish hamda mahalliy sportchilarga teng sharoitlarda bellashish imkoniyatini yaratishga qaratilgan.
Onix Cup doirasida barcha ishtirokchilar Chevrolet Onix avtomobillarida musobaqalashadi. Ilk poygalarni yoz oxirida o‘tkazish rejalashtirilmoqda.
