Toshkent shahridagi Turin Politexnika universitetining Aerokosmik laboratoriyasi texnolog-talabalari Bohodirov Javhar va Qosimov Akbarshox Turkiyaning Anqara shahrida bo’lib o’tayotgan 6-Turk dunyosi fan va madaniyat xalqaro festivalida (Türk Dünyası Bilim ve Kültür Şenliği) o'z loyihalari bilan qatnashib, 20 dan ortiq davlatlardan kelgan iqtidorli yoshlar orasida faxrli 1- o‘rinni egalladilar.
Tanlov shartlariga ko‘ra, Javhar Bohodirov va Akbarshoh Qosimov o‘zlarining ilmiy ishlanmalari – mini-nanosattellit qurilmasini taqdim etishdi.
Mazkur qurilma yer yuzasidan 45-50 km balandlikda havo namligi, bosimi,uning sathi va yoritilishini o‘lchash, shuningdek, stratosfera haqida barcha kerakli ma’lumotlarni to‘plash kabi xususiyatlarga ega. Bundan tashqari, ushbu loyiha ilmiy va amaliy jihatdan foydali bo'lib, turli xildagi tajribalarni o'rganish va amalga oshirishni osonlashtiradi.
“O’zavtosanoat” AJ nomidan g‘oliblarimizni qo‘lga kiritgan ushbu katta g‘alaba bilan muborakbod etamiz va kelgusi loyihalarida muvaffaqiyatlar tilab qolamiz!
