Andijon viloyatidagi “UzAuto Motors” AJ zavodida “O‘zavtosanoat” AJ rahbariyatining fuqarolar va korxona xodimlari bilan navbatdagi uchrashuvi bo‘lib o‘tdi.
Ochiq muloqot tarzida tashkil etilgan tadbir davomida ishtirokchilar o‘zlarini qiziqtirgan masalalar, taklif va tashabbuslar bilan bevosita rahbariyatga murojaat qilish imkoniyatiga ega bo‘ldilar.
Uchrashuv davomida har bir murojaat alohida ko‘rib chiqildi. Xususan, mehnat muhofazasi, ishlab chiqarish jarayonlarida xavfsizlikni yanada takomillashtirish, xodimlar salomatligini muhofaza qilish hamda yosh mutaxassislarni qo‘llab-quvvatlash masalalari muhokama qilindi.
Murojaatlarning ayrimlari bo‘yicha tegishli tushuntirishlar berilib, qator masalalar joyida hal etildi. Qo‘shimcha o‘rganishni talab etadigan murojaatlar bo‘yicha esa mas’ullarga aniq vazifalar belgilandi va ularning ijrosini ta’minlash yuzasidan tegishli topshiriqlar berildi.
Fuqarolar va xodimlar bilan ochiq muloqotni yo‘lga qo‘yish, ularning murojaatlarini o‘rganish hamda ko‘tarilgan masalalarga amaliy yechim topishga qaratilgan bunday uchrashuvlar kelgusida ham muntazam davom ettiriladi.
- 25/09/2026
- Bo'lim: Yangiliklar