UzAuto Motors Powertrainda fevral Ekologik xavfsiz...
Mazkur tashabbus doirasida ishlab chiqarish maydonlarida texnologik jarayonlar natijasida hosil bo‘ladigan ifloslangan havoni tozalash maqsadida zamonaviy chang-gaz tozalash qurilmalari faol qo’llanilmoqda. Jumladan, siklonlar, rukavli filtrlar, nam skrubberlar hamda boshqa ilg‘or muhandislik yechimlari ishlab chiqarish jarayonlarining ekologik xavfsizligini ta’minlashga xizmat qilmoqda.
Amalda qo‘llanilayotgan tozalash inshootlari havoni samarali darajada tozalab, atmosfera ifloslanishini sezilarli kamaytirishga hissa qo‘shmoqda.
Shuningdek, atmosferaga chiqarilayotgan moddalarning sifati ustidan muntazam nazorat olib boriladi. Akkreditatsiyadan o‘tgan laboratoriya tomonidan amaldagi ekologik qonunchilik talablariga muvofiq ravishda zarur o‘lchov va tahlillar amalga oshiriladi.
