Ҳурматли ота - оналар, бува ва бувилар, “UzAuto Motors” АЖ компанияси Халқаро болаларни ҳимоя қилиш куни арафасида болалар томонидан чизилган расмлар учун "ЭНГ АЪЛОСИ ФАҚАТ БОЛАЖОНЛАР УЧУН!" шиори остидаги 3 хил номинация бўйича ижодий танлов эълон қилади.
Танловнинг асосий шарти - автовобиллар билан боғлиқ ихтиёрий мавзуда расм чизиш (орзуимдаги автомобил, оиламизнинг бир қисми бўлган автомобил, келажак автомобили ва ҳоказо).
Номинациялар:
UzAuto Motors Kids - 5 ёшдан 7 ёшгача бўлган болалар;
UzAuto Motors Junior - 8 ёшдан 10 ёшгача бўлган болалар;
UzAuto Motors Tween - 11 ёшдан 14 ёшгача бўлган болалар.
Жорий йилнинг 20-май кунига қадар чизилган расмлар суратга олиниши ва @UzAutoMotors_Kids_Bot телеграм-ботига иштирокчининг исм - фамилияси, ёши ва алоқа учун телефон рақами юборилиши керак. Бот томонидан ҳар бир иштирокчи учун алоҳида ID рақам берилади;
21 май куни овоз бериш жараёни учун махсус Телеграм канал номи эълон қилинади;
Овоз бериш жараёни 21 майдан 28 майга қадар очиқ тарзда бўлиб ўтади ва унинг натижаларига кўра танлов ғолиблари аниқланади;
2021 йил 1-июн куни Тошкент шаҳридаги Ашхобод боғида соат 17:00 дан 19:00 га қадар, болалар учун “UzAuto Motors” АЖ компанияси томонидан ташкиллаштириладиган байрам дастури доирасида махсус совринларни тантанали равишда ўз гъолибларига топшириш маросими бўлиб ўтади.
Барча иштирокчиларга омад тилаймиз ва сиздан энг оригинал ва креатив расмларни кутиб қоламиз!
