Sardor Umarov 1993-yilda tug‘ilgan. U Toshkent shahridagi Turin politexnika universitetining bakalavr hamda “El-yurt umidi” jamg‘armasi stipendiyasi asosida Germaniyaning Leybnits nomidagi Gannover universitetining magistratura bosqichini tamomlagan.
Mazkur lavozimga tayinlangunga qadar “BYD Uzbekistan Factory” MChJ qo‘shma korxonasida Axborot texnologiyalari departamenti rahbari lavozimida faoliyat yuritgan.
Mehnat faoliyatini ushbu korxonaning Axborot texnologiyalari bo‘limida Ishlab chiqarishni avtomatlashtirilgan tizimlar orqali boshqarish bo‘yicha yetakchi muhandis sifatida boshlagan. Keyinchalik Axborot texnologiyalari bo‘limi boshlig‘i lavozimida samarali faoliyat olib borgan.
Sardor Umarov o‘z yo‘nalishi bo‘yicha yetarli bilim va tajribaga ega, malakali mutaxassis hisoblanadi.
Yangilandi: 26-03-2026