Murojaatlarga javoblar: avtomobil sotib olish shar...
Hurmatli telegram kanal admini, avvalo murojaatingiz uchun minnatdorchilik bildiramiz. Hamda sizdan murojaatchining ismi sharifi yoki bo’lmasa avtomobil uchun tuzgan shartnoma raqamini keltirishingizni iltimos qilib so’ragan bo’lar edik. Bunday shaxsi noma’lum murojaatga javob berish imkonsiz. Agar siz haqiqatdan ham murojaatchiga yordam bermoqchi bo’lsangiz, murojaat qiluvchi shaxsini aniq keltirishingizni yoki avtomobil sotib olish shartnoma raqamini ko’rsatishingizni so’raymiz. Sizning murojaatingiz yuzasidan quyidagilarni ma’lum qilamiz.
Soʻnggi ikki yil ichida avtomobil bozori COVID-19 pandemiyasining oqibatlari, mikrochiplar inqirozi, logistika va geosiyosiy vaziyat kabi bir qator global muammolarga duch keldi. Ushbu kataklizmlar dunyodagi barcha avtomobil ishlab chiqaruvchilariga o’z ta'sirini ko'rsatdi. Ishlab chiqarish hajmini sezilarli darajada kamaytirishga, opsiyalarni qisqartirishga va hatto zavodlarni to'xtatishga majbur qildi.
UzAuto Motors global inqiroz davrida ishlab chiqarish hajmi sezilarli darajada oshganiga qaramay, shu bilan birga muhim butlovchi qismlarning keskin taqchilligini boshdan kechirishda davom etmoqda. Xaridorlarga deyarli tayyor ammo birgina zaruriy butlovchi qismlarsiz avtomobillarni topshirish imkonsiz. Sizning avtomobilingiz ham deyarli tayyor holda turibdi, lekin amalga oshirilgan kompleks chora-tadbirlarga qaramay, O’zbekistonga yetkazib berilishi kerak bo’lgan mikrochiplardan iborat zaruriy detallarni kutmoqda.
Afsuski, kompaniya avtomobil ishlab chiqaruvchiga bog’liq bo’lmagan holatlar tufayli, avtomobil sotib olish shartnomasining 3.1.1-bandga muvofiq, avtomobilni yetkazib berish muddati 3.1-bandda ko'rsatilgan muddatdan 45 kunga uzaytirishga majbur bo’lganligi to’grisida mijozlarga ma’lum qildi. Ammo ushbu muddat bo’la turib, kompaniya amalga oshirgan chora-tadbirlari sababli, avtomobillar mijozlarga yetkazib berish bosqichida. Biroq murojaatchining shaxsi noma’lum bo’lganligi sababli, sizning shartnomangiz qaysi bosqichda ekanligiga uchun aniqlik kiritishning imkoni bo’lmadi.
