2025-yilgi O‘zbekiston Respublikasi “Gymkhana” che...
Toshkentdagi Anhor Lokomotiv bogʻida 2025-yilgi Oʻzbekiston “Gymkhana” chempionatining toʻrtinchi bosqichi boʻlib oʻtdi. Musobaqa Oʻzbekiston Milliy Avtomobil va Mototsikl Federatsiyasi (NAFKU) tomonidan tashkil etildi. Tadbir nafaqat mamlakatimizning eng yaxshi poygachilari va haydovchilik ixlosmandlarini, balki Qozogʻiston Respublikasidan ham ishtirokchilarni jamladi.
“Gymkhana” — bu tezlikda manevr qilishga asoslangan, texnik jihatdan murakkab va tomoshabop avtosport yoʻnalishi boʻlib, unda aniqlik, tezkor reaksiya va haydovchining mahorati hal qiluvchi ahamiyatga ega. Har bir soniyaning oʻzi gʻalaba uchun hal qiluvchi ahamiyatga ega vaziyatda, ishtirokchilar burilishlar, keskin aylanishlar va tezlikda oʻtish zarur boʻlgan uchastkalardan iborat murakkab trassada bahs olib borishdi.
Bu bosqichning oʻziga xos jihati — barcha zaezdlar Chevrolet Onix avtomobillarida oʻtkazilganidir. Ushbu model “gymkhana” musobaqasi sharoitida oʻzining chidamliligi, manevrga layoqati, barqarorligi va dinamikasi, shuningdek, yigʻuv sifatini bilan oʻzini a’lo darajada namoyon etdi. NAFKU federatsiyasi taqdim etilgan avtomobillar va Oʻzbekistonda avtosport madaniyatini rivojlantirishga qoʻshgan hissasi uchun Chevrolet brendiga alohida minnatdorlik bildiradi.
Ishtirokchilar Chevrolet Onixning yuqori darajadagi boshqaruvga javob berishini alohida ta’kidlab oʻtdilar, bu esa ularga eng murakkab uchastkalardan ishonch bilan oʻtish imkonini berdi. Chevrolet Onix musobaqaning ajralmas qismiga aylandi hamda ommaviy ishlab chiqarilayotgan texnologiyalar bilan sport sinovlari oʻrtasidagi uzviylikni yorqin namoyish etdi.
Ushbu bosqich yangi nomlarni ochib berdi va iqtidorli haydovchilarni aniqlash uchun muhim maydonchaga aylandi. Yosh ishtirokchilar tajribali sportchilar bilan tengma-teng bellashib, mamlakatimizda avtosport jadal rivojlanayotganini yana bir bor isbotladilar.
