Toshkent viloyati dalalarida Respeblikamizaning turli viloyatlaridan kelgan fermerlar va klasterlarga zamonaviy, yangi qishloq xo'jaligi texnikalari bilan tanishish imkoniyatiga ega bo'ldilar. DOMINATOR 370 gʼalla oʼrish kombaynining makkajoʼxori oʼrim-yigʼimida CORIO 670 jatkasi bilan ishlashi mehmonlarda katta qiziqish uyg'otdi.
Shuningdek, ishtirokchilar ARION 630S traktori, MARKANT 650 toylab zichlagichi va CORIO 570S makkajoʼxori jatkasi to'g'risida ham ishtirokchilar xorijlik mehmonlardan batafsil ma'lumot olish imkoniyatiga ega bo'ldilar. Mazkur tadbir tashkilotchisi "AgroTech Klaster" tarkibiga kiruvchi "Uz CLAAS Agro" MCHJ hisoblanadi.
"Mazkur tadbir Respublikamiz fermerlariga ma'qul bo'ldi. Boisi, tashrif buyurgan fermerlar va klasterlar yevropaning eng so'nggi va zamonaviy texnikalari bilan jonli tarzda tanishish hamda ularni dala maydonida sinovdan o'tkazish imkoniyatiga ega bo'ldilar. Ayniqsa, chorvachilik va baliqchiliq tarmoqlarining ozuqa bazasini mustahkamlash, qolaversa, boshoqli don ekinlari hosildorligini oshirishda bugun taqdim etilgan texnikalar muhim ahamiyat kasb etadi." - dedi "UZ CLAAS AGRO" MChJ marketing, sotuv va servis bo'yicha direktori Ahmad Mirsaidov.
Tadbir davomida ishtirokchilar uchun taqdim etilgan texnikalarning test-drayvlari tashkil etilib, unda CORIO 670 traktorining ishlash jarayoni dala sharoitida sinovdan o‘tkazildi.
- 18/09/2023
- Bo'lim: Yangiliklar