Joriy yilning 6-yanvar kuni Toshkent shahridagi Turin politexnika universitetida “Qishki maktab” ochilish marosimi doirasida “O‘zavtosanoat” AJ tomonidan 2024-yil mobaynida amalga oshirilgan ishlar yuzasidan jamoatchilik hamda ommaviy axborot vositalari vakillari uchun “O‘zavtosanoat” AJ vakillari ishtirokida matbuot anjumani o‘tkaziladi.
Tadbirda universitet rektori tomonidan avtomobilsozlik sohasi uchun malakali mutaxassislar tayyorlash borasida amalga oshirilayotgan ishlar haqida batafsil ma’lumot beriladi.
Shuningdek, Janubiy Koreyaning Korea National University of Transportation (KNUT) rektori ishtirok etib, sun’iy intellekt dasturlariga qiziqayotgan o‘quvchilar bilan soha bo‘yicha eng so‘nggi texnologiyalar va amaliy ko‘nikmalari bilan o‘rtoqlashadi.
Tadbir vaqti: 11:00 Ro‘yxatdan o‘tish: 10:30 Manzil: Toshkent shahridagi Turin politexnika universiteti
