Farg‘onada zamonaviy gimnastika markazi foydalanis...
O‘zbekiston Respublikasi Sport vazirligi, Farg‘ona viloyati hokimligi hamda “O‘zavtosanoat” AJ hamkorligida Farg‘ona viloyatida zamonaviy Gimnastika sport turlariga tayyorlash markazi foydalanishga topshirildi.
Loyiha doirasida 174 o‘rinli yotoqxona va 100 o‘rinli oshxona barpo etilib, foydalanishga topshirildi. Shuningdek, gimnastika sport turlariga ixtisoslashtirilgan maktabning sport zallari to‘liq rekonstruksiya qilinib, 91 turdagi zamonaviy sport jihozlari bilan ta’minlandi.
Yangi markazda yosh sportchilarning munosib sharoitda yashashi, sifatli ovqatlanishi va yuqori saviyada mashg‘ulot o‘tkazishi uchun barcha imkoniyatlar yaratilgan.
“O‘zavtosanoat” AJ yoshlarning orzu-intilishlarini qo‘llab-quvvatlash hamda mamlakatimiz sporti rivojiga hissa qo‘shishga qaratilgan bunday ezgu tashabbuslarda faol ishtirok etishda davom etadi.
